288 PANORMITANA

struendae de recognoscendo visu, et tactu in muliebrium in- spectione. »

« Tandem iuxta S. Officii instructionem matrona quae omnibus actibus ab obstetricibus, et peritis exequendis prae- esse debet, non qualiscumque persona esse potest, sed talis quae sit antiquae virtutis, nullique exceptioni obnoxia. »

Praedictarum legum observantiam non levis esse ponde- ris in causis matrimonialibus neminem latet, cum non raro hae leges impediant quominus aliqua coniugum collusio, aut fraus detegatur, quae non immerito in praesenti casu acci- disse inter coniuges, et testes septimae manus suspicari pos- se videtur. Et revera isti septem testes instantis nempe pa- ter, quatuor eius filii, et duo generi in verbo Carolinae Lo- casto iurant super supposita absoluta impotentia coniugis Ceraulo, omnesque prout sunt consanguinitate coniuncti, ita omnino concordes in asserenda ipsius veracitate, ingenuita- te, et innocentia, tam ante fugam cum Ioanne Bapt. Ce- raulo, quam post cohabitationem unius mensis cum eodem, domum paternam repetiit; unaque voce iisdemque verbis ve- luti immaculatam columbam proclamant, verumque asserunt quod ipsa deposuit. O vere siugularis ingenuitas, o simpli- citas nova, o innocentia inaudita! Mulier decem et novem annis nata, acceptis antea a suo amasio amatoriis epistolis, sponte paternam domum deserens, cum ipso fugam arripit, per unius mensis spatium cum eodem cohabitat, et condor- mit, eiusque insistentia, et pertinacia carnis conamina in semetipsa experitur, et tamen ingenua, et puerula coram iudice declarari audetur.

Insuper facta quae matrimonii celebrationem sequuntur, attente perpensa eo magis superius dicta confirmant, et mu- tuam coniugum, et instantis parentum collusionem adstru- unt. Nam die secunda post initum matrimonium a germana Carolinae sorore de ipsius consumatone sciscitatur, et de Cerauli impotentia suspicatur; obstetrix familiae Elisabeth Spata accersitur, a qua inspectione peracta, sponsa virgo declaratur, sponsa ipsa dimittitur a Ceraulo, et paternae