200. In decollatione s. Johannis B.

1. Sancti baptistae martyris Johannis
Festum colamus, In quo recitamus,
Regem Herodem eum decollasse
Propter puellam.

2. Justus Johannes regem arguebat
Atque dicebat, ei non licere
Secum habere coadulterantem
Fratris uxorem.

3. Mulier prava Insidiabatur
Et nitebatur sanctum jugulari,
Sed operari Istud non valebat
Propter Herodem.
4. Namque Herodes secum metuebat,
Custodiebat audiens libenter,
Impatienter tandem Illum portans
Incarceravit.

5. Sui natalis coenam rex tunc fecit,
Adesse fecit nobiles plerosque,
Saltans puella placuit Herodi
Et Invitatis.
6. Jurejurando Illi res promisit,
Se donaturum, quidquid postularet,
Caput Johannis Ista postulavit
Monitis matris.
7. Rex contristatus propter jusjurandum
Atque puellam nolens contristare,
Caput Johannis misit amputari
Et dari sibi.
8. Corpus a suis fuit asportatum
Atque locatum fuit In sepulchro,
Precibus cujus hymnum hunc canentes
Nos adjuvemur.

9. Laudibus cives celebrant superni
Te Deus simplex pariterque trine,
Supplices et nos vcniam precamur,
Parce peccatis.