300 CARCASSONEN.

Cum autem, nec Episcopus, nec Capitulum eius recla- mationibus morem gerere viderentur, vertente anno 1 8 8 8 ad S. C. C. supplex accessit, et relato decreto Episcopi de la Porte, quo cathedralis ecclesia ad s. Michaelis constitueba- tur , eundem Episcopum in primis quasi Pistoriensis concilia- boli doctrinis addictum renunciavit quia in eo decreto contra fas et ius - omnia qualiacumque iura in cathedrali ecclesia exercenda in manibus suis reservavit.

Episcopus pro informatione et voto de more rogatus paulo post, audito capitulo, sua et capituli iura quasi tui- turus respondit: « Facta in libello exposita vel veritate ne- quaquam nituntur, vel ex eis falsae conclusiones eruuntur. Et postquam super singulos articulos mentem suam aperuis- set, sic concludebat: « Pax et concordia viguere semper in- ter Capitulum et antecessores Mauritii Larroque. Et ipse statum Ecclesiae cathedralis, priusquam parochus institue- retur, ratum libentissime habuit. Quin etiam, ut viri fide digni affirmant, se nihil unquam contra iura Capituli moli- turum promisit; at mox, promissi immemor, et licet pieta- te insignis, natura plus aequo rixosus, lites saepius movit: dicas illum in animo habere, ut iactitat, pium Episcopi se- natum ex Ecclesia s. Michaelis eiicere una cum Episcopo , quasi sint in sede cathedrali extranei. Et infra : « mihi au- tem valde optandum superest, quod S. C. Concilii, causa mature perpensa, illum statum rerum in mea cathedrali tueatur quem sanxit Sedes Apostolica in omnibus Galliarum cathedralibus, etiam in iis quarum Parochus archipresbyter non est de gremio capituli; etenim ex quantulacumque Ca- pituli iurium imminutione magna oriretur perturbatio. Ca- pitulum munia sua peragit piissime, et parochus, ceu eius antecessores, curae animarum incumbit nullimode impeditus.

Disceptatio Synoptica

PAROCHI DEFENSIO. Punctum et fundamentum totius pro parocho argumentationis inde videtur sumendum quod ec- clesia s. Michaelis non sit, nisi precario et ad tempus in