CARCASSONEN. 30Ì

Cathedralem electa ac deputata. Quae quidem dispositio in dubium revocari non potest, cum in controverso decreto Episcopi de la Porte ea inveniatur expresse nunciata, et ipse hodiernus carcassonensis Ordinarius eam confiteatur his verbis: « Fateor equidem DD. de la Porte relicta ob gra- vissimas causas antiqua ecclesia cathedrali ss. Nazario et Celso dicata, sedem cathedralem anno 1803 in 'ecclesiam s. Michaelis eiusdem civitatis, ad tempus, uti ait, transtu- lisse. » Imo tam precaria videtur fuisse ab initio capituli et cathedralis collocatio in ecclesia s. Michaelis, ut Card. Caprara in suo confirmationis decreto ne mentionem quidem fecerit de s. Michaelis ecclesia, sed ss. Nazarii et Celsi ae- des Dioecesis carcassonensis cathedralem simpliciter renun- ciaverit.

' Posito autem hoc facto duplex videtur in iure conclusio, primum, animarum curam ne habitu quidem penes capitu- lum residere, sed universam in parocho solidari. Quod qui- dem etiam ex alio argumento evinci posse videtur. Nam sub restaurationis initium paroeciae et capitula in cathedra- libus separate constituta sunt; et nonnisi anno 1807 primus omnium parisiensis Praesul in sua metropolitana ad paroe- ciae et capituli unionem devenit. Et quamvis Imperatoris minister deinceps ceteris Ordinariis exemplum parisiensis Antistitis imitandum proposuisset; maior tamen Episcoporum pars hisce hortationibus nec morem gessisse, nec benignas, aures praebuisse videtur. Unde Consilium Status decreto diei 24 Iulii 1824 recognoscere debuit usque tum nonnisi 33 uniones fuisse factas. Inter eas vero unionem paroeciae s. Michaelis cum cathedrali capitulo carcassonensi minime numerari. Ergo inde confirmatur, paroeciam s. Michaelis a cathedrali capitulo esse prorsus divisam.

At si precario, si absque ullo ne habitualis quidem cu- rae iure, uno verbo si tamquam hospes cathedralem capitu- lum carcassonense ecclesiam s. Michaelis ingressum est, vel maiora sequuntur. Siquidem in una Fulginaten. Suppres- sionis et Unionis 22 Martii 1841 citata in una Marsorum