306 CARCASSONEN.

Latet quidem quomodonam contigerit, ut vetus ss. Nazarii et Celsi ecclesia in Dioecesis restauratione fuerit omissa: cum tamen sciamus, tempore revolutionis permultas Ecclesias etiam cathedrales alienatas esse, easque alienationes a Sede Apo- stolica fuisse recognitas, Concordat, tit. 5 a. 1 et 2; iam temerarium non est autumare, ea de causa ecclesiam ss. Na- zarii et Celsi reiiciant esse, quia vel destructa vel alienata erat; et ea etiam de causa Episcopum de la Porte cathedrale tem- plum « au moins provisoire » ad s. Michaelis constituisse, quia ad primitivas antiquissimis aedes haud amplius poterat redire.

Quidquid sit in praesentiarum ipse parochus Larroque auctor est ac recognoscit, nullam ferme spem dari veteris cathedralis instituendae. Quapropter casus evenisse videtur, de quo sermonem habet Pitonius addit, ad, discept. 9 n. 8 et 11 ut nempe translatio, licet ab initio temporanea, per- petua fìat; quod quidem tunc evenisse censetur cum restitutio, ad primitivam sedem moraliter impossibilis evaserit, et 40 anni lapsi sint absque ulla reparationis spe. « In hac enim materia, ait, spes probabilis reparationis intelligitur si sit proxima » Atqui in themate, ipsa adversa parte fatente , spes nulla restitutionis et reparationis habetur, et nedum 40 sed 80 et amplius anni in huiusmodi statu lapsi sunt.

Porro si unio capitulum inter et paroeciam s. Michaelis licet ab initio temporanea, in praesentiarum saltem perpe- tua evaserit, eo minus parochus potest contra Episcopum et capitulum insurgere, eosque hospites renunciare, et qua tales quasi in inferiorem locum reiicere.

Verumtamen haec omnia quasi ad abundantiam dicta es- se retinendum est; et ut pateat, etiam in archipresbyteri hypothesi haud quidquam descendere ex iis quae ipse cupit et studet. Ceterum ipsa eius argumentationis basis ac fun- damentum impugnari merito potest.

Sane Pius VII bulla Qui Christi Domini diei 29 Novem- bris 1801 veterem statum Ecclesiarum Galliae penitus ex- tinxit, novumque creari iussit. Veteri vero ecclesiarum statu