CARCASSONEN. 307

ita penitus suppresso et extincto, sequitur, antiquam Dioe- cesis carcassonensis cathedralem ecclesiam ss. Nazarii et Celsi non maiora sibi vindicare potuisse privilegia ac pote- states, quam parochialem s. Michaelis ecclesiam : utramque imo omnibus antiquis iuribus mansisse expoliatam. Ex quo, uno veluti ictu, omnis archipresbyteri argumentatio subver- t i , et fundamentum cui universa eius contentio innititur prorsus dilabi videtur. Supponit enim ipse dominum ac re- ctorem ecclesiae s. Michaelis non Episcopum, non capitulum, sed unum parochum esse, quia ab initio et ante Gallicam revolutionem id obtinuerat ; et idcirco Capitulum et episco- palem cathedram non in sua, sed in aliena sede esse, hos- pites esse, et consequenter ad rectoris ac parochi exigentias subordinata. Atqui huiusmodi suppositum, ex dictis, falsum undequaque est: nec ad actualem parochum s. Michaelis maiora iura competere possunt, quam quae in Carcassonensis dioecesis restauratione ex Episcopi decretis eidem obtigerunt.

Accedit in casu nostro et pro cathedrali Ecclesia carcas- sonensi explicita apostolici Legati approbatio, quae certe se porrigit ad episcopale decretum diei 18 Maii 1803 , quo cathedralis erigebatur; at probabiliter ad ipsas etiam capitula- res constitutiones sese extendit, ceu Episcopus cum capitulo tuentur. Quapropter de horum actuum valore et legitimitate modo disputare ferme temerarium videtur.

Ceterum quo ad erectionis decretum in specie se attinet haud inutile erit recolere quod si in eo omnia spiritualia iura quae in cathedrali exercenda venirent, in manibus suis interim remanere Episcopus iussit, id fecit, non ut haec iura sibi in perpetuum vindicaret: quin imo paulo post ea- dem divisit et partim parocho, partim capitulo communicavit: sed id egit, ut maiori cum ponderatione deinde agere posset quod in ea temporis augustia prohibebatur, et ut, rebus ma- turius perpensis, omnium iura rite constabiliret, atque inte- rim canonicorum et parochi aemulationes vitaret.

Ad statuta vero capitularia quod attinet meminisse suf- ficiat ea conformia apprime esse cum Parisiënsibus, aliisque