308 CARCASSONEN.

quae in Gallus obtinent, et quorum unum exemplar S. C. C- nuper examinavit in Tarbien. 28 Aprilis 1888, nec impro- bavit, sed remisit ad S. C. super Negotiis E. E . , a qua demum approbatum fuisse fertur.

Quae cum ita sint, ratio non apparet cur capitulum in- ter et parochum nova concordia iniri debeat: praesens enim chori ordinatio, statutis legitimis invecta, nec iuri commu- ni, nec aequitati naturali repugnat: quin imo conformis est usui omnium aliarum Galliae Cathedralium, et insuper fere centenaria observatione probata invenitur. Iamvero ut docet Rota in Aretina Iur. Par. cor. Ansaldo « consultus est observatae consuetudini deferre, quam aliud in dissensionem populi, novitate quadam adhibita statuere; et nimis durum est immutare ea quae longo temporis cursu servata sunt. » Cui accedit enixum votum Episcopi, ut nihil innovetur eo quod « ex quantulacumque Capituli imrium imminutionem magna oriretur perturbatio. »

His itaque adductis, proposita fuerunt diluenda

Dubia

I. An decretum episcopale diei 18 Maii 1803 sustinea- tur in casu.

II. An solemnis missae dominicalis et vesperarum cele- bratio, processionum deductio, ac benedictio fontis in vigi- liis Paschae et Pentecostes ad parochum spectent in casu.

Et quatenus affirmative III. An et quomodo novus vivendi modus capitulum

inter et parochum sit praefiniendus in casu. RESOLUTIO. S. Cong. Concilii, re discussa sub die 14 Iu-

nii 1890 censuit esset respondendum: Nihil innovandum et amplius.

Ex QUIBUS COLLIGES. I. Quum Episcopus et Capitulum cathedralis unum idemque corpus efficiant, in qualibet suae Dioecesis Ecclesia diversentur, primas partes agere, locumque principalem tenore valent.