CARCASSONEN. 309

IL Episcopum uti posse, ad pontificalia, Ecclesia alicu- ius oppidi suae Dioecesis, in quo residet per maiorem anni partem idque vertere honorificentiae ipsius Ecclesiae eiusque Rectoris.

III. Episcopo et Capitulo diversantibus ad tempus in ali- qua paroeciali Ecclesia, inter eosdem enasci unionem aeque principalem; in qua unione aeque principali ex iure consti- tutum est iura utriusque partis essentialia intacta servanda esse quoad fieri possit, et in conflictu, inferiorem superiori, digniori minus dignum cedere debere.

IV. Iura Canonicorum consistere in obeundis divinis officiis, et in choro vacando ad psallendum; parochorum vero iura, ex Tridentino, esse sacramenta ministrare, praedicare et populum christianam doctrinam docere.

V. Parochum, utpote inferiorem, in conflictu cum Ca- pitulo quoad iura, cedere debere Capitulo, quoties non sub- intrat animarum discrimen.

VI. In Ecclesia cathedrali, quae simul sit paroecialis, functiones, excepta sacramentorum administratione, proces- siones, ante vel post Missam, ad Canonicos pertinere.

VII. Fontis baptismalis benedictionem in vigiliis Paschae et Pentecostes, quum non sit de functionibus mere paroe- cialibus, Episcopo reservari, ab eodem peragendam vel ab aliquo ex dignioribus Capitularibus , quem ipse Episcopus designaverit.

VIII. Quamobrem in themate etiamsi, per hypothesim , Episcopus et Capitulum ad tempus et quasi in hospitium ad paroecialem Ecclesiam sese receperint, tamen Parochus stricte suis iuribus contentus esse deberet, et Episcopo et Capitulo suorum functionum exercitium permittere : ideoque iuxta datam resolutionem S. C C . nihil esset innovandum.