324 RAGUSINA

cuiusdam promontorii Dalmatiae litoris, et hinc mari per gyrum, illinc moeniis septum. Suburbana immediate succe- dit et ambit. Remotius ad partem septemtrionalem, ubi et tutissimus sinus et frequentior portus habetur, se extendit paroecia vulgo dicta di Gravosa. Reliquae ex aliis partibus circumstant, nec in praesenti actione versantur.

Quaestio enim hodie agitur inter parochum suburbanum et Gravosae. Ad cuius intelligentiam oportet praemittere plura esse in municipio Ragusino eiusque territorio coeme- teria. Sicut enim paroecia alia ex dictis proprium sepulcre- tum in suo territorio dicitur habere; sic proprium quoque tenet intra suae iurisdictionis fines paroecia Gravosa. Sed in territorio suburbanae paroeciae tria adsunt coemeteria. Antiquius mari adiacens et nunc obsoletum, eo quod prae- scriptionibus sanitariis non respondeat, appellatur aile Ban- ce. Eius loco erectum et suffectum fuit coemeterium S. Cru- cis a Boninovo. Huic proximum tertium adest S. Georgio alle tre chiese dicatum. Ad quos vero, et quomodonam ad hos magis quam ad illos, tria haec sepulcreta pertineant, haud pacificum est inter partes.

Itaque, iuxta parochum loci Gravosa, coemeterium S. Cru- cis a Boninovo est comunale et pertinet ad cunctum muni- cipium Ragusae, idest ad paroecias Ragusae, suburbiorum, Gravosae, s. Magdalenae, et s. Ilarionis. Episcopus in eam- dem abit sententiam.

At e contra parochus suburbanus de tribus coemeteriis in suo districtu existentibus notat, alterum, nuncupatum s. Georgii proprium esse Confraternitatis s. Georgii, quae olim pertinebat ad paroeciam Gravosae et nunc ad paroeciam suburbiorum Ragusae. Quoad alia duo vero haec scribit : no- vum coemeterium s. Crucis a Boninovo erectum fuit in ve- teris substitutionem, quia praescriptionibus sanitariis haud respondebat. Et hoc in coemeterio incolae quoque aliarum municipii partium, et etiam alienigenae sepeliri queunt si praescriptum solvant canonem. Quod autem Parochus Gra- vosae nullum ius habeat in coemeteriis Parochiae suburba-