326 RAGUSINA

quapropter ad Ordinarium recurrendum fuit. Qui die 21 De- cembris 1887 tulit decretum, quo edicebat, neutrum paro- chum neque Suburbiorum neque Gravosae, ullam habere iu- risdictionem super cadavere Valencic. Attamen sese retinere quod cadaver ad parochum pertineat in cuius paroecia ap- pellere debeat navis, cadaver deferens, et per quam transire debeat comitatus cadaveris. Ast navis portum Gravosae ap- pellet, funusque per eamdem ducetur, et ideo ad Parochum Gravosae pertinebit paroecialis iurisdictio. Ex canonistis li- quet quod parochus in alieno territorio actum suae iurisdi- ctionis exercere nequeat, multoque minus stolam deferre. Neque obiicere iuvat coemeterium esse in paroecia suburbio- rum, quia hoc commune est paroeciis limitrofis.

Cohaerenter ad hoc decretum, cum corpus defuncti Va- lencic Gravosam appulit, parochus huius loci illud excepit, et sacerdos, qui illud usque ad portum comitatus fuerat, stolam exuit ct funebri associationi se adiunxit. Non vide- tur autem, aut saltem ex actis non constat, parochum Gra- vosae funebre officium cum missa super cadaver peregisse, dum nil aliud dicitur fecisse quam comitari et sepulturam dare huic cadaveri.

Rebus absolutis, parochus suburbanus utpote laesus in suis iuribus, et etiam ad futuros similes casus praecavendos ad S. C. C. appellavit.

Episcopus de informatione et voto rogatus , decretum a se latum sustinet, quia receptum moribus dicit, ut defuncti qui ad portum Gravosae appellunt, recipiantur et ad sepul- crum deducantur ab eiusdem loci parocho. Id parochus Gra- vosae autumat esse in praxi ab immemorabili.

In his adiunctis, agitur causa, quae ad hoc unum se porrigit, ad quem scilicet associatio et tumulatio defuncti Valencic competeret.

Disceptatio Synoptica

In iure compertum est parochum proprium pro funeribus illum esse in cuius districtu, quis, dum moritur, domicilium