835. De sancto Ruperto.

1. Eia, fratres, extollamus
odarum concentibus

Imminentis festi diem
toto cosmo celebrem,

Quo concluit inter choros
Rupertus angelicos.

2. Qui praesagus emetati
carnalis terminii

Erecta spe celebratis
missarum sollemniis

Resurrectionis die
solutus est corpore.

3. Hunc euntem stipant turmae

Caelestis militiae
Spiritum voce canora

ferentes in aethera;
Sic suum contigit phase

sacro paschae tempore.

4. Qui locatus patriarchae
in sinibus Abrahae

Aurem nostris invocatus
praebet supplicatibus

Intercedens pro salute
corporis et animae.

5. Huius tumbae provolutis
salus redit languidis,

Lumen admiratur caecus,
claudi gaudent gressibus,

Fauces clamant, quae veternis
haerebant silentiis.

6. Macte, summe confessorum
cum Christo regnantium,
Gregis tui pastor pius

adesto precati bus
Et criminum veternorum
resolve chirographum.

7. Sit patri virtus, potestas,
perpes sempiternitas,

Eius concrepet et nato
honor, iubilatio,

Pneumati sit laus perennis
saeculorum saeculis.