336 VENETIARUM

Disceptatio Synoptica.

PRECES RESPUENDAE VIDENTUR. Quominus preces exau- diantur obstat potissimum hodiernus status satis locu- plex piae domus ceu notat Emus. Ordinarius. Si enim sine iusta et necessaria causa ultimae voluntates commutandae non sunt ex cap. 6 sess. 22 Conc. Trid.; iam in themate haec iusta causa deficere videtur, dum pium institutum abun- dant! reditu instructum dicitur, et capax omissa omnia, paul- latim restituendi.

Imo cum tanta, tam continua et arbitraria piarum vo- luntatum subversio in eo instituto hucusque contigerit, re- cta ratio suaderet videretur, ab indulgentia abstinendum esse, praesertim cum hodie possibilis quaedam reparatio sit et sive poenae sive vindictae ergo, omissionum restitutionem esse iubendam.

PRECES EXCIPIENDAE VIDENTUR. At ex adverso considerari oportet omissionum, quarum absolutio poscitur , numerum valde imminui, s i decreto 30 Septembris 1 8 1 8 suus valor tribuatur. Imo cum in vim subsequentium rescriptorum plus missarum celebratum fuerit quam decretum anni 1 8 1 8 iu- beret, quaedam compensatio enata iam videtur, et praefesti- nata onerum solutio.

Insuper cum omissiones contigerint quo tempore arcta erat piae domus conditio, iusta causa praesto esse videtur, ut sanetur quod, licet ex arbitrio, non sine tamen funda- mento iustitiae gestum tunc fuit. Nota namque res est, saepiusque in his foliis repetita, imminutis reditibus, locum, etiam esse onerum absolutioni et redactioni. Quod si hoc principium semper et ubique valet, maxime custodiendum idem erit in themate, in casu nempe redituum ad inopum, et infirmorum solatium constitutorum.

Et post haec mitto loqui de ea prudentiae ratione, quam accurate Emus Patriarcha enucleat et quae maxime suadet, ipsam legatorum utilitatem exigere ut quamcitius preces