343. De s. Stephano Calatino.

Ad Vesperas.

1. Pater almus, generosus
et confessor inclitus,

Caritate speciosus
pudoreque fulgidus,

Cum angelis coronatur
pretiosus Stephanus.

2. Pius fuit atque prudens,
humilis, amabilis
Et, in mundo donec vixit,

satis venerabilis,
Qui terrena sprevit cuncta
factus ineffabilis.

3. Fracti calicis coniunxit
partes, ut prodigia

De ipsius gestis dictant
et docet historia,

Quae nostrae posteritatis
stabit in memoria.

4. Infinita signa fecit

vivens et post obitum,

Quae narrare lingua nequit ;
iuge prece Dominum

Postulemus ergo, rerum
salvatorem omnium.

5. Ut ex sacris confessoris
votis et suffragiis

Nos absolvat a commissis
expiator criminis,

Ut et cunctis gratuletur
regnis in sidereis.

6. Gloria et honor Deo
usquequo altissimo

Una patri filioque
inclito paraclito.

Cui laus est et potestas
per immensa saecula.