346 ROMANA

spondit, ex rationum momentis a Parocho Centi in scriptis datis haec argui posse; scilicet in Bulla, qua parochia S. Ni- colai ipsi collata fuit, haud existere pensionem cle qua in fundationis Bulla mentio fit : parochum vel paroeciae vale- dicturum, vel omnem vim adhibiturum fuisse , ut pensio expungeretur, quoties in dicta institutionis Bulla imposita reperiretur. Praedictam pensionem, dato quod extiterit, im- positam fuisse in supplementum praebendae Vice-parochis assignatae; quippe quae nimis exigua erat; in posterum Vice- Parochi T. praebendam pinguem, imo pinguiorem praebendis ceteris Vice-parochis de Urbe assignatis evasisse; ac proinde ab institutionis Bullis expunctam fuisse.

Hisce praemissis, Emus Vicarius retinet bonum ius pa- rocho Centi prae Vice-parocho favere, ob hanc praesertim rationem, quod beneficii onera atque emolumenta demetienda sint a Bulla qua benficium confertur, quodque post trien- nalem pacificam possessionem beneficii status haud facile im- mutari soleat.

Hisce habitis, S. Congregatio rescribere censuit, ut Emus Card. Vicarius rem de bono et aequo componere satageret, antequam causa in plenario Emorum Patrum conventu per- tractanda proponeretur.

Studuit quidem Emus Vicarius S. Congregationis iussa facere, sed inutiliter. Hinc S. Congregatio praescripsit ut quaestio ad tramitem iuris dirimeretur.

Disceptatio synoptica

IURA VICE-PAROCHI. Favore Vice-parochi pensionem an- nuam scutorum viginti impositam fuisse, nullatenus dubita- re sinunt Bullae erectionis verba quae sic sonant: « Com- putatis vero distributionibus quotidianis aliisque incertis cen- tum octoginta ducatorum auri de camera secundum commu- nem existimationem valorem annuum non excedunt, super quibus, ut pariter asseris, onus solvendi annua scutata vi- ginti veteris monetae romanae pro tempore existenti vice-