348 R O M A N A

Quin ab hac obligatione adimplenda Archipresbyterum exonerare valeat factum, quod scilicet in Bulla collationis paroeciae, praedictae pensionis nulla mentio fìat. Quando- quidem ex adverso perpensum fuit, huiusmodi onus compre- hensum esse sub generali clausula in ipsa Bulla expressa ; scilicet : cum omnibus iuribus et oneribus adnexis.

IURA ARCHIPRESBYTERI. E X altera vero parte pro Ar- chipresbytero observatum fuit, iuxta doctrinam ab ipso Cle- ricatu traditam et pluribus in locis a S. Rota confirmatam, pensiones quae per aliquod temporis spatium exactae haud fuerunt, praescriptioni obnoxias esse. Sane S. Auditorium decis. 591 n. 9 coram Buratto docet, praesumendam esse nul- litaten\seu extinctionem pensionis, quae saltem per quinquen- nium exacta haud fuit. Praeter haec in part. 16 recent, et in decis. 266 n. 22 coram Priolo tradit, ceu extinctam habendam esse pensionem, quae per decem annos nunquam praestita fuit. Voet vero in Comment, ad lib. 33 ff. de usu et usufruct. n. 4 in fine ad rem haec habet. « Plane si immemoriali tem- pore reditus nullus annuus praestitus fuerit , totam annui reditus obligationem peremptam esse facilius quis admiserit; uti et illud, quod triginta annorum aut trientis saeculi de- cursu tota redditus obligatio praescribi possit, si quis ad redditum solvendum interpellatus recusaverit solutionem, et se redditus debitorem esse negaverit, eoque ex tempore illud annorum spatium praeterlapsum sit. »

In themate autem cum agatur de pensione, quae non ab anno 1874 ad annum 1885, sed ab immemorabili tempore praestita amplius fuit, quaeque nec in S. Datariae regestis recensetur, forsan, ceu perpendit Emus Vicarius, quia aliunde Vice-parochi sustentationi provisum fuit; iam per se patet Archipresbyterum ad controversae pensionis praestationem non teneri.

Hisce breviter delibatis, propositum fuit dirimendum se- quens