356. De sancto Malachia.

1. Malachiae solemnia
Votis et hymnis debitis
Mater colit ecclesia
Sancti confisa meritis.

2. A barbaris Hibemiae
Carnis duxit originem,
Sed nullam de barbarie
Culpae traxit aeruginem.

3. Lex Dei docet puerum
Et spiritalis unctio,
Fructus replevit operum
Virtutis exercitio.

4. Ad Imari vestigia
Dum juvenis Instruitur,
Sanctitatis fastigia
Sanctum sequens assequitur

5. Clero clarens et populis
Malachiae religio
Sortitur archipraesulis
Gradum de sacerdotio.

6. Hinc signis et virtutibus
Mundum fulgens Illuminat,
Ex lucris spiritalibus
Christo talenta geminat.

7. In Claravalle moritur,

Quem clare monstrat vivere,
Manusque manco redditur
Attacto sancti funere.

8. Adesto votis supplicum,
Malachia sanctissime,
Munus nobis salvificum
Dans corporis et animae.

9. Sit laus patri cum filio
In unitate spiritus,
In quo sit nobis unio
Cum Malachia coelitus.