380 BONONIEN.

Asserit denique in casu ea signa vulgo dentellature,, in hymene reperta, esse posse etiam non congenita. At respon- det advocatus huic hypotheticae assertioni obstare unanime testimonium trium obstetricum aliorumque medicorum, qui genitalia Ohristinae oculis conspexerunt, quique omnes signa in eius hymene reperta congenita esse iudicant, proprium- que iudicium firmis rationibus convalidan!.

Verum dato etiam quod praedicta signa congenita non sint, certum tamen est , eadem maritali copulae minime tribuenda esse, sicuti obstetrices et periti uno ore testantur. Ceterum ipsa S. Congregatio non una vice controversias pro dispensatione resolvit, ubi laesiones et rimulae hymenis op- ponebantur. Sic in Pragen. Dispensationis matrimonii 29 Maii 1869; in Ianuen. Dispensationis matrimonii 9 Iunii et 22 Septembris 1886; et in Meliten. Dispensationis ma- trimonii 26 Septembris 1891.

Neque in casu iuxta patronum ad Pontificis animum movendum pro elargienda dispensatione deficiunt causae et quidem gravissimae. Nam inter causas dispensationis eminet impotentia viri, ut videre est apud Schmalzgrueber, De di- vortiis n. 55; et Cosci, De sep. thor. lib. 1, cap. 16, n. 294. Atqui in themate Francisci impotentia, inquit, evidentissime resultat. Franciscus enim frustra per quindecim annos ma- trimonium consummare expertus est; ac frustra etiam me- dicamenta ad suam curandam genitalium debilitatem adhi- buit. Tempore non suspecto ipse in litteris ad uxorem eius- que matrem datis non obscure fatetur suam impotentiam; atque eum impotentem non tantum uxorem, sed omnes quoque testes septimae manus dicunt.

Hisce orator adiungit argumentum ex medicorum opi- nione desumptum. Medici enim Rodolfi, Roncati et Ventu- roli , quibus tum ante, tum post matrimonium recursum habuit Franciscus pro viripotentia obtinenda, unanimiter coram Iudice deposuerunt, ipsum physica impotentia indu- bitanter laborare. Nec alio modo testati sunt ceteri quinque medici a Curia Bononien. inter celebriores selecti, qui, prae-