PARISIEN. 381

transferendi habitationem, sed animo et reali discessu ex priori loco ».

Denique domicilium amitti concurrente reali discessu ex parochia cum animo non amplius redeundi P. Tarquini in suo voto scripto contra valorem matrimonii in causa Pa- risiensi a. 1868. in S. C. C. discussa, hisce verbis egregie exponit : « Non enim est dubitandum ipsam quoque Fran- ciscam utut origine Londinensem (i. e. illa Francisca pari- ter puella minor Londini in domo paterna habuit verum domicilium, sicut in casu nostro Henrica etiam in minore aetate in materna domo Londinensi verum domicilium sortita est) amisisse Londinense domicilium, cum Paulum secuta est. Ex eo enim tempore deseruit paternum domicilium, ut Pauli domicilio perpetuo adhaereret. Ita communiter doctores, qui de hoc casu expresse agunt i. e. de casu matrimonii omnino invalidi, cuius occasione femina exiverit e paterno domicilio assertique sponsi domicilium secuta sit. Quarto infertur, ita Barbosa de off. et potest. Episcop. p. 2, alleg. 32, n. 67, feminam, quae coram parocho suae parochiae contraxit ma- trimonium invalidum seque inde transtulit ad domum sponsi commorantis in alia parochia cum intentione ibi perpetuo manendi, non posse postea coram eodem parocho matrimo- nium de novo valide celebrare ; nam ille non amplius dicitur proprius parochus ac Sacerdos, cum femina amiserit primum domicilium statim ac incepit habitare in parochia sponsi cum intentione ibi perpetuo manendi. Ita Sánchez etc. » Ita P. Tarquini c, ubi agit de revalidatione matrimonii, quod ipse putavit invalide esse contractum.

Quodsi haec sententia certissima sit, si agatur de iis qui sui iuris sive m aetate maiori sunt atque voluntarium habent domicilium (ut patet ex omnibus illis emigrantibus in Ame- ricam cum animo non amplius redeundi in Europam ; cfr. Gasparri I. c ) , tamen gravis difficultas manet quoad illos, qui necessarium habent domicilium, et prout filii vel filiae minores nondum emancipati sunt a potestate paterna, ideo- que saltem usque ad aetatem maiorem retinent domicilium