386. In Translatione Corporis b. Barbarae.

Invitatorium.

Barbarae corpus hodie,
Quod fuit Nicomediae,
Translatum est, Placentiae
Haec dies est laetitiae.

In 1. Nocturno.
Antiphonae.

1. In festo translationis
Corporis sanctae virginis
Barbarae nos excitare
Convenit et exsultare.

2. Haec mundum spernens
et mundi florida ducens
Pro nihilo veram

studuit cognoscere vitam.

3. ''Specie corporis erat decora
nimis, sed fide pulchrior sponso
superno placuit.''

4. Nobilis et pulchra,

prudens Barbara puella
Flagrat amore Dei,

spernit vaga gaudia mundi.

5. Virgo carens maculis
pollebat serenis
Columbarum oculis
turturisque genis.

6. Translationem virginis
Barbarae sacrae colentes
Transfer, Christe, cum beatis.

Responsoria.

1. Celebrantes cum gaudio
Translationem virginis
Barbarae patrocinio
Suo purget a vitiis,

V. Venerantes obsequio

Corpus beatae martyris.

2. Orans nunc in caelestibus
Succurre nobis miseris,
Barbara, piis precibus.

V. Tuis intentos laudibus
Semper tueri digneris.

3. ''Vitam et translationem sanctae
Barbarae virginis recolentes
iubilemus.''

V. ''Eius benedictionem et gratiam
dulcedinis recolentes iubilemus.''

4. Ad Barbarae sollemnia
Translationis virginis
Pergit plebs in Placentia
Cum devotis obsequiis;

V. Dum corpus in ecclesia
Locatur buius martyris.

In 2. Nocturno.
Antiphonae.

1. In hoc sacro sollemnio

Martyris Christi Barbarae
Cordis fruamur gaudio.

2. Formae decus superat
Morum disciplina,
Quibus se confoederat
Gratia divina.

3. Virginis eximiae

Barbarae, martyris almae,
Translationem celebrare
Da nobis, rex pie, Christe.

4. Celebrantes cum gaudio
Translationem virginis
Barbarae patrocinio
Suo purget a vitiis.

5. Barbara sacratissima,
Ora pro nobis omnibus
Festum tuum colentibus.

6. ''Translationem gloriosae vir-
ginis Barbarae celebret plebs
fidelis devote, quae sui memores
''Deo commendet meritis
Et iuvet beneficiis.

Responsoria.

1. Corda nostra cum manibus
Levemus in caelestibus,
Ubi virgo, martyr Christi,
Fruitur laude caelesti.

V. Corpus exstat languentibus
In medelam et spiritus.

2. In terris mirificavit
Deus et glorificavit
Sanctam suam, quam colimus ;

V. Apud se praedestinavit
Perenniter et amavit.

3. Collaudemus cum gaudio
Sanctae Barbarae merita,
Quae celebri officio
Colitur in Placentia.

V. Ipsius patrocinio

Purgentur nostra vitia.

4. Laetetur plebs fidelium
In translatione corporis
Barbarae, quae fastigium
Virtutum habet decoris.

V. Debiles ad subsidium

Sanantur sanctae virginis.

In 8. Nocturno.
Ad Cantica.

O beata Barbara,
Plus quam caeli sidera
Exaltaris altius;
Christum, qui mitissimus
Exstat, pro nobis ora
Nunc et in mortis hora.

Responsoria.

1. Voce, voto, corde toto

Altissimum collaodamus
Corpore sancto translato ;

V. Omnes affectu devoto
Barbarae congaudeamus.

2. O mira Dei gratia,

Quae sic disponens agere
Fecit de Nicomedia

Barbarae corpus transferre,

V. Dehinc Romam cum gloria ;
Nunc quiescit Placentiae.

3. Plaude, O tu, Placentia
Decorata reliquiis
Exsultantis in gloria

Sanctae Barbarae virginis ;

V. Cum ingenti melodia

Corpus servat unanimis.

4. O Barbara, virgo pia,

Rosa vernans ut lilium,

Implorantes suffragia
Tua post hoc exsilium

Fac possidere gaudia
Mansionum caelestium.

V. Locatur in Placentia

Tuum corpus sanctissimum,
Ubi cum reverentia

Fideles currunt plurimum.

Ad Laudes.
Antiphonae.

1. Corporis translatione
Ope divini numinis
Omni plebs devotione
Se det laudibus divinis.

2. In terris mirificavit
Deus et glorificavit

Sanctam suam, quam colimus.

3. Collaudemus cum gaudio

Sanctae Barbarae merita,
Quae celebri officio
Colitur in Placentia.

4. Laetetur plebs fidelium
In translatione corporis
Barbarae, quae fastigium
Virtutum habet decoris.

5. Corda nostra cum manibus
Levemus in caelestibus,
Ubi virgo, martyr Christi,
Fruitur laude caelesti.

Ad Benedictus.
Antiphova.

Ave, virgo speciosa,

Clarior sideribus,
Cuius vultum et decorem

concupivit Dominus,
Funde preces creatori

pro tuis supplicibus.

Ad Vesperas.
Antiphonae.

1. Habitantes Placentiae
Recognoscentes hodie
Divinae munus gratiae
Sibi collatum iubilant.

2. Ad Barbarae sollemnia
Translationis virginis
Pergit plebs in Placentia
Cum devotis obsequiis.

3. Plaude, O tu Placentia,
Decorata reliquiis
Exsultantis in gloria

Sanctae Barbarae martyris.

4. Voce, voto, corde toto
Altissimum collaudemus
Corpore sancto translato.

5. Ovans nunc in caelestibus
Succurre nobis miseris,
Barbara, piis precibus.