388. De sancto Gummaro.

In 1. Vesperis.
Antiphonae

1. Laetabundus noster chorus
Voce laudis sit sonorus

Gummari praeconia
Attollcndo tam praeclari,
Cuius decet venerari

Festiva sollemnia.

2. Generoso procreatus

vir illustris sanguine,

Schema stirpis imitatus
Est in morum culmine,

Hic immunda detestatus
Servat cor a crimine.

3. Adulescens iuventutis

Non conformis moribus

Cor devotum mox virtutis
Subiugavit legibus,

Mentem formans institutis
Patrum senioribus.

4. Annos morum senectute
Teneros praeveniens,

In virtutem de virtute
Pergebat proficiens,

Curas mentis involutae
Penitus abiciens.

5. Liber ortu liberum

Se servans in gratia

Soli regi siderum
Pura conscientia

Gratum dat obsequium
Detestando vitia.

R Gloriosi confessoris

In supernis culmen choris

Possidentis gloriae
Festum laetum celebremus,
Quem et laetae commendemus
Et iugi memoriae.

V. Felix Lyra, quae patrono
Tali gaudet Dei dono.
Dei beneficio.

Prosa:
Gaudeat devotio

Praeseutis familiae,
Laetetur haec contio

Concors Sion filiae
Gummari sollemnia

Cum caelesti curia
Eius patrocinia

Precum cum instantia
Devote poscendo.
O Gummare superum

Rutilans in agmine,
O Gummare pauperum

Memor sis in culmine.

Tuae nos perenniter
Consortes alacriter

Fieri da gloriae,
Qui te laete dulciter
Commendamus pariter

Et iugi memoriae.

Ad Magnificat.

A. Tange lyram, sona laudes,
Lyra felix, quia gaudes

Pretioso pignore,
Quae dotata tom praeclari
Confessoris es Gummari

Benedicto corpore,
Cuius prece defensaris
Meritis et adiuvaris

Luctus hoc in tempore.

Ad Laudes.
Antiphonae.

1. Vir illustris, vir sacratus
Per columbam inspiratus,

Nutus Dei baiulam,
Vitae coeptae finem ponit
Et in loco se deponit
Fundaturus cellulam.

2. Locus hic quondam avium
Sed et ferarum mansio
Cultorem per industrium

Fit decens habitatio,
In quo regi caelestium
Devota canit contio.

3. Hinc bene Lyra dicitur
Ob melodiae carmina,

Quibus et hic reficitur
Devota conscientia,

Et Christo laus impenditur
Pro sensus exigentia.

4. Benedic ergo Dominum,

Lyrensis plebs, medullitus,

Qui locum [hunc] per angelum
Elegit missum caelitus

Gummari propter meritum
Pausantis hic divinitus.

5. Eia dulcis, eia care,
Tuis assis hic, Gummare,

Festis insistentibus
Et, hic laudes inchoare
Quos fecisti, consummare

Fac cum caeli civibus.

Ad Benedictus.

A. O patrone care, bone,
Pro mercede nos coronae

Decertantes visita,
Locum cole, quem fundasti,
Hortum riga, quem plantasti

Tua propter merita.
Ut hic digne te laudemus
Et in vita conregnemus

Tecum per te praestita.

In 2. Vesperis.
Antiphonae.

1. Haec est dies laetitiae

Laetis colenda laudibus,

Gummarus quo militiae
Caeli coniunctis civibus

Exsultat amicitiae

Divinae iunctus nexibus.

2. Nobis relicto spolio

Carnis ad caelum evolat,
Caeli receptus solio,

Nox ubi non interpolat
Diem, qui pleno radio
De vultu Dei rutilat.

3. Quem in terris honoravit

Signis mirabilibus

Dei virtus et ornavit,

Ad portas cum laudibus
Paradisi hunc beavit
Suis cum fidelibus.

4. Stola fungens gloriae
Melos laeti carminis
Pro palma victoriae

Carnis, mundi, daemonis
In caelestis curiae
Coetu canit agminis.

5. Ergo, pater, patris more

Filiorum gemitus
Vallis huius in horrore

Attende medullitus,
Fore tecum in decore

Qui suspirant funditus.

R. Romam volens visitare
Viam vir aggreditur,

Sed cum nox diei clarae
Finem dare cernitur,

Iuxta flumen accubare
Nycha dictum cogitur.

V. Figens ibi tentorium

Quietis pro munimine,
Lignum succidit floridum
In fulcimentum machinae.

Prosa.

Festum instat gaudiosum,
Gaudeamus singuli,

Quo Gummarus hoc undosum
Mare transit saeculi;

In portu cum gloria

Fulget laureatus
Aeterna memoria

Dignus vir sacratus.

Ergo pie gemitum
Tibi non absconditum

Plebis derelictae
Transfer in tripudium
Tuae per suffragium

Precis benedictae.

Pete, petenti dabitur,
Iesus amanti flectitur,
Amantis prece cogitur.

Ad Magnificat.

A. O patronum reverendum,
Omni laude prosequendum,

Cuius patrocinio
Christi signum renovatur,
Surdus, mutus cum curatur,

Qui matris a gremio
Sensu bino caruit,
In quo miro claruit

Gummarus prodigio.