428. De sancto Quirino.

1. Solve servorum facinus tuorum,
Supplicum mentes tibi da placentes,
Laudibus crebris ut ab his voceris,
Sancte Quirine.
2. Annuus cursus redeundo rursus
Gaudium terrae solet en referre,
In tui festo populis adesto
Laetificandis.

3. Patribus claris genitus probaris,
Flore piimaevo foret absque naevo
Vita quo mundis redimit a lumbis
Qui redemisti.

4. Inclitum nomen titulans agonem
Temet bastatum docuit probatum,
Signifer Christi velut expulisti
Arma draconis.
5. Tu te millenas patiendo poenas
Factus es bellis Domini flagellis,
Protulit vivum caro sancta rivum
Quando cruoris.

G. Lege divina tua mens opima
Depulit plebis scelus Infidelis,
Rege virtutum tribuendo scutum
Crudelitatis.
7. Hoc Dei flamen dedit incitamen,

Daemonis membrum populis tremendum,
Claudium saevum ditione regum
Quem superasti.
8. Forte certamen meruit laudamen,
Cumque nocturnis jugulatus umbris
Sumeres palmam decoratus almam
Martyriorum.

9. Morte calcata capiens amata
Regna coelorum comes angelorum,
In quibus civis sine fine vivis
Israelita.
10. Consulens nobis, pater, ulcerosis,
Dando purgatum precibus reatum,
Esto de caelis veniae medelis
Auxiliator.
11. Cerne contritam miserando vitam,
Morte peccati sumus aggregati,
Nos ut Indemnes requie perennes
Vivificemur.
12. Cuncta gignentem celebrent parentem
Seu coaequatum deitate natum,
Atque solamen postulare, flamen,
Gloria semper.