448 MELEVITANA

in fundationis tabulis feminae dumtaxat vocentur; nam haec, si velint, possunt sine fundationis laesione ius suum cum fra- tribus dividere. Nec magis facessit quod oratores in themate iuniore adhuc aetate fruantur ; nam in primis hoc certum non est ; sed eo etiam admisso , iusta causa non deesse vi- detur ut anticipatio in subsidii praestatione fìat, et in hac parte fundatoris praescriptis derogetur.

In primis enim, in hisce terminis , de gravi voluntatis commutatione res non esset ; ac praeterea cum agatur de consanguineis proximioribus sanguine fundatori, ut scribit Episcopus et magna egestate laborantibus, ipsa praesumpta fundatoris voluntas in oratorum favorem intervenire videtur. Accedit, quod modo, teste Episcopo, non adsint puellae quae legatum consequi valeant, ac quod demum in legati gestione redituum redundantia verificetur.

Nec praetermittendum est tam legati oeconomum, quam Ordinarium precibus favere easque commendare, ac modum insuper proponere , iuxta quem subsidium praestari posse putant ex libellis 3750 pro una tantum vice, postulantibus in vera egestate positis.

Hisce animadversis quaesitum est quid esset precibus respondendum.

R E S O L U T I O . Sacra Congr. Concilii, re cognita, sub die 6 Septembris 1890 censuit respondere : Pro gratia iuxta vo- tum Episcopi, facto verbo cum SSmo.