451. De sancto Stephano rege.

1. Gaudent coeli nova luce
Tonantis vox dum clangit,
Novo rege, novo duce
Gedeonis tuba barrit.

2. Per quem fratres liberantur
Paganismi caecitate,
Hungarorum gens laetatur
Ortu prolis et magistri.

3. Pannonia gratulatur,
Angelica vox dum sonat,
Decrepitat dux cum Geysa,
Dei cepit repromissa.

4. Inquit missus aethereus:
Sum protomartyr Stephanus,
Et qui nascetur Stephanus,
Rex erit et apostolus.

5. Pater credens admiratur,
Pavens mater rem miratur,
Voce simul perlustratur:
Nunc porto ducem fidei.

6. Crescunt bona, crescuntlaudes,
Cor congaudet, vox non cesset,
Cum non sistat operari
Summus rerum artifex.

7. Puer natus vegetatur
Et In regem coronatur,
Piegnum rite gubernatur,
Fides Christi dilatatur.

8. Sidus claret matutinum,
Ante solem fert vexillum,
Per quem solis fulsit lumen
Hungarorum mentibus.

9. Hic est miles, rex et rector,
Qui dum rexit et regnavit
Hostis caudae de cordula
Gentem suam liberavit.

10. Jerarchia jam congaudet
Cum rex regem praedicavit
Reparandam ad ruinam
Saxa quadravit barbara.

11. Almo patri sit gloria
Natoque sit victoria
Amborum cum spiramine
In sempiterno saecula.