458 AQUÉN. SEU MASSILIEN.

Cum autem, in themate, ipsis adversariis fatentibus, constet, Lazarinam utpote aetate minorem sui iuris minime fuisse, sed sub matris ac familiae tutela: et cum pariter exploratum et in confessis existat, matrem ac patruum La- zarinae eius nuptiis cum barone prorsus dissensisse ; hinc , dato et non admisso quod ex partium collusione Lazarinae abductio contigerit, adhuc tamen iuxta patronum de raptu constare videretur, et ideo recedendum esse a decisis quoad hoc punctum putat idque magnopere poscit.

A N I M A D V E R S I O N E S D E F E N S O R I S V I N C U L I . E X adverso vero vinculi defensor ad clandestinitatis obicem removendum in primis considerat a die 15 Iunii 1865, qua abductio conti- git, ad diem 5 Octobris, qua matrimonium celebratum est, unam fuisse baronis et Lazarinae curam sollicitudinemque, validas inire nuptias; et hac una de causa eos in Helvetiam venisse ibique tamdiu esse versatos , quia ibi facilius finem suum consequuturos sperabant, ut expresse baro deponit.

Neque ad hunc effectum solus laboravit baro, sed eum pro viribus adiuvarunt quatuor spectatissimi sacerdotes, de quibus Emus Mermillod in suis ad S. C. C. litteris am- plissimum fert testimonium.

Neque inficiandum omnia rite processisse: quandoquidem parochus Gignoux a Vicario Guiol delegatus cum amplissi- ma potestate subdelegandi, potestatem suam transfusit in Veveyensem parochum Mantel. Parochus autem Mantel cum sacerdoti Luder in scripto documento omnes facultates trans- miserit, quae sibi datae fuerunt, sequitur quod canonicus Luder qua legitimus subdelegatus haberi debeat.

Quod si haec delegationis ratio non arrideat, iam alia in promptu est optima iuxta defensorem responsio : si quidem dum matrimonium celebrabatur, praesens aderat ipse paro- chus Gignoux, qui omnia et vidisse et audisse testatur.

Nec refert quod ex Petri Marquet depositione in dubium revocetur data a Vicario Guiol delegatio , nam , contendit defensor, nullam huic viro praestandam esse fidem , quia dum in Helvetia cum privigno versabatur, ut nuptias faci-