468. De sancto Udalricn.

1. Udalrici gloriosi

Pangat natalitia
Praesulisque pretiosi

Plebs, et sinat vitia
Tanti nati generosi

Nutrix major Rhaetia.
2. Tali clerus gaudens duce

Concinat suavia,
Tanta clara videns luce

Gens relinquat avia,
Hac dulcescens digna nuce

Tota plaudat Suevia.

3. O Augusta, sedes digna,

Praesularis civitas,
Tantam dotem Dei signa,

Qua te sua pietas
Exornavit tam benigna,

Summa coeli claritas.
4. Udalrice, bone pastor,

Normula clementiae,
Fidei divinae doctor,

Verae sapientiae,
Et coelestis agri cultor,

Eosa patientia.

5. Christi dulcis o athleta,
Te devote poscimus,
Ne nos mortis tangat meta,

Dele, quod deliquimus,
Turbinis exhauri freta,
Quae nunc navigavimus.

6. Offer nobis bonitatem,
Disciplinam Domini,
Vitam mundam, sanctitatem,

Summo junge numini,
Tuo per felicitatem
Supplicamus nomini.

7. Ut post vitam temporalem,
Brevem et Instabilem.

Habeamus consodalem
Te patrem amabilem,

Apud Deum commensalem
Coeli venerabilem.

8. Deus, nobis hoc dignare
Ob amorem praesulis

Udalrici, pater, dare,
Fili Dei, parvulis,

Pneuma sacrum, nos beare
Sacris velis formulis.