472 MEDIOLANEN.

reddit physice impossibilem immissionem seminis in vagina feminea, quando meatus uretra resi dit in radice penis. At ultimum et decretorium argumentum desumebant ex eo quod per quandam rigidam fimbriam in parte inferiori membri vi- rilis, erectio eiusdem membri, natura unci, praepeditur. Hu- ius impedimenti vim recognovit et admisit eximius peritus in suo voto. Hoc egregii doctoris votum communicatum fuit duobus peritis mediolanensibus, ut post maturum eius exa- men , apud Curiam archiep. clare atque explicite declara- r e t utrum conditiones ab eo requisitae ad impotentiam Vi- ctorii in tuto ponendam, in ipso reperirentur. Qui unanimi- ter sub iuramenti fide affirmarunt rem ita se habere.

Ex quo elucet, ipsum peritum Tacchi Venturi cum aliis duobus convenire in Victorii impotentia admittenda iuxta illam logicam regulam « verificata conditione, affirmari de- bet veritas conditionati. » Hisce addi potest sententia tri- bunalis militaris, qua Victorium ineptum ad militiam decla- ravit propter defectum debitae evolutionis viriliurn. Haec omnia simul sumpta asserendi ius praebent, ni fallor, Zac- coni impotentiam antecedentem, perpetuam, in vado posi- tam esse.

Inquirendum nunc est utrum duae illae conditiones locum habeant in casu nostro, quae ad dispensationem obtinendam requiruntur, nempe matrimonii inconsummatio et grave mo- tivum, quod animum sponte inducere possit ad dispensatio- nem concedendam. Iamvero licet in casu nostro desideren- tur omnes probationes iudiciales quae ad normam iuris re- quiruntur, tamen ipsa Victorii impotentia a tribus peritis asserta et iuramento confirmata, sufficit ad omne dubium rationabile removendum circa inconsummationem matrimonii iuxta illud « a non posse ad non esse valet illatio. » Tam igitur certum est matrimonium non fuisse consummatum , quam certum est Zacconi non potuisse eum consummare.

Haec eadem satis probata viri impotentia grave motivum exhibet ad dispensationem impertiendam, quia coniuges con- tinuo exponerentur periculo Incontinentiae. Neque opponas