LUCEORIEN. ZYTOMIRIEN. 477

et excitandas vires quotidie u t i : se autem ab eo nimium neglectam fuisse, quod quidem ei non semel exprobravit, quin tamen de impotentiae defectu aperte eum unquam coargue- rit, nisi per litteras postquam ab eo discessit.

Septem testes ex latere mulieris deinde excussi sunt, qui quidem eius dicta et confirmarunt et ampliarunt ; nam de lasciva aut effraenata vita Adami a prima usque iuven- tute, de acquisito inde forte impotentiae vitio, de publica fama eius imbecillitatis, de medicaminibus ex excitamentis ab eo adhibitis ad hunc defectum arcendum, ac demum de fide adhibenda actricis verbis, unanimi suffragio loquuti sunt. Quin imo omnes, inter quos eminent mater actricis, sacerdos Nireziadkowski; et medicus Krzeskowski, sive directe ab actrice sive de relato amicorum professi sunt se usque ab initio audivisse virum suis officiis imparem evasisse et ma- trimonium non esse consummatum.

Vir vero utpote reus in causa vocatus adstitit, et inter alia retulit se amasse et amatum fuisse ab uxore sua; sed addit : « Multum apud eam valuit auctoritate inimica mihi persona sacerdos Nireziadkewski, qui licet fere quotidie nos viseret, et plena auctoritate gauderet penes D. Malin- zhiewiczam, non tantum non cooperabatur mutuae concordiae nostrae, verum etiam contra me clam machinabatur. » Hoc autem auctore uxorem suam quodam mane petiisse penes matrem suam pransum duci ; eaque occasione divisionem contigisse. Postridie certiorem me fecit, ait vir, quod num- quam ad me reverteretur. Et cum rogatus esset, an, quando primum ac quoties copulam attentaverit, respondit : « Duo- bus diebus elapsis post nuptias, postea vero bis tantum ; co- pulam tamen perficere non potui, ut puto, ob timiditatem meam et quamdam erga uxorem reverentiam Quum co- pulam perficere non potuissem, consului medicum Kamieski : quum vero remedia ab illo praescripta nocuissent mihi, ille censuit, me esse sanum, quod ipse expertus sum ; habens omni tempore relationem carnalem cum aliis feminis ; sed timidus erga uxorem. » Rogatus autem quando et quibus