492 ANAGNINA

« Ad 5. In vesperis solemnioribus, ob eamdem ratio- nem expositam in tertio loco, semper et in quocumque casu canonicus antiquior debet Praeposito supplere, quia onus et privilegium habet vicem gerere dignitatis : ideoque nullum ius habet ad emolumentum percipiendum: de quo emolumento nulla in constitutionibus capitularibus lit mentio. »

Disceptatio Synoptica.

Relate ad primum punctum, ubi de iuribus coadiutoris canonici senioris quaestio est, animadversum fuit ex officio, pro coadiutore militare in primis ipsas institutionis Bullas in quibus eidem coadiutori adscribuntur - omnia et singula pri- vilegia, libertates, praeeminentiae, honores, favores et gra- tiae, quibus coadiutus gaudet. - Atqui celebratio in maioribus festivitatibus, quoties Episcopus et Praepositus se abstinent, nec non praecedentia in processionibus et ' funeribus inter praeeminentias, privilegia et honores connumerari debent.

Accedit quod praecedentia et celebratio missae in solem- nioribus diebus, praeter quam honorem, onus insuper et of- ficium importat. Atqui vulgatissimum est, coadiutorem coa- diuto in oneribus et officiis semper subrogari, licet non sem- per subrogetur in honoribus.

At e contra ex lib. 1 Caer. Episc. c. 26 habemus quod « deficiente prima dignitate. . . . supplebit alter ei proxi- mus, sive dignitas sit archipresbyter sive canonicus, et sic deinceps . . . Ubi vero ordines non sunt distincti, duo cano- nici immediate sedentes post canonicum qui servit, supple- bunt. » Quae regula, dum valet pro oneribus et officiis , a fortiori procedit in casu praecedentiae et honorum. Et id- circo passim et ubique receptum et a DD. sine disputatione traditum invenitur, ut qui primum de facto occupat stallimi in choro, sive dignitas sive canonicus sit, ipse, prae ceteris, primas exerat partes, praecedentiam et honorem assequatur. Passerinus in cap. Çonsuei. n. 3[De consuet. in VI* Pigna- telli consul. 35 n. 2 tom. 4* Benedictus XIV Q. 136, Fer-