500 LUGANA

S. Ioannis Baptistae, una cum populo ipsi assignato in Vi- cariam erigitur ad tramitem S. Congregationis decreti. 2. Electio Vicarii perpetui R. Plebano pro tempore ecclesiae Sextimoriani referatur : 3. Confinia praedicta Vicariae per- petuae eadem erunt, quae Ecclesiae Montesacrati usque ab antiquis temporibus tributa fuerunt : 4. Onera a Vicario per- petuo eiusque successoribus adimplenda haec erunt; scilicet Missam pro populo celebrare ; Sacramenta administrare , S. Evangelium explanare ; S. catechismum adultis et doctri- nam christianam pueris tradere ; adsistentiam moribundis praebere, natorum, mortuorum ac matrimoniorum libros cu- stodire et cetera munia ac functiones etiam per consuetudi- nem ipsorum ufficio inhaerentia peragere : Plebanum Sexti- moriani Vicario Montesacrati, praeter domum, quae modo a Cappellano Curato habitatur, tradere debere hortum ipsi domui adnexum et vineam prope Ecclesiam sitam, nec non sexaginta modia frumenti una cum duodecim vini mensuris lib. 22,40 in compensationem olei quod eidem praestare debe- ret: firmis manentibus augmento congruae et reliquis oneribus archiepiscopali decreto die 19 Februarii 1821 et altero decreto deputationis ecclesiasticae die 27 Iulii 1835 impositis. Vica- rium perpetuum, ad tramitem citati archiepiscopalis decreti diei 19 Februarii 1821 teneri tres Sacerdotes pro functio- nibus sabbati Sancti, nec non Olea Sancta providere; duo fru- menti modia, agnum, palmas et candelas distribuere, ceram, oleum pro lampade, vinum et oleum pro missis praestare. Exceptis oneribus supra descriptis, Vicario perpetuo impositis Plebanus Sextimoriani reliquis oneribus satisfaciet quibus in antecessum tenebatur.

Post haec seu die 26 Novembris 1879 Plebanum inter et S. Rochi Confraternitatem, in Montesacrato erectam, con- ventio inita fuit, vi cuius Plebanus, ut se ab omnibus one- ribus erga ecclesiam Montesacrati susceptis liberaret, annuas libellas sexaginta persoluturum promiserat, Confraternitas vero omnibus oneribus et necessitatibus dictae Ecclesiae sa- tisfacturum spoponderit.