PARISIEN. 529

indissolubilitate mihi decertandum putarem, ex altera vero talis apparet contraria rei certitudo, ut non advocatus pro cliente, sed theologus pro veritate ad dicendum requisitus, me cohibere non possum quin et matrimonium in casu haud consummatum affirmem, et causas ad dispensandum validis- simas haberi contendam.

Atque ut mentem meam ab ipso aperiam sermonis initio, dicam statim, me esse intime persuasum, Aloisium Delarue et Susannam Pauchet matrimonialibus officiis operam quidem dedisse et obtentam consummationem putasse, at frustra, inaniterque; quin tamen rem cognosceret, si non mulier, sal- tem vir. Hanc autem non secutam consummationem repe- tendam puto non proprie forsan ex quadam viri impotentia, sed potius ex quadam asymetria partium genitalium, per ex- cessum in viro, et per defectum in muliere; quam certe graviorem evasisse contendo, et matrimonialibus officiis ma- gis oppositam ex non ordinaria in muliere genitalis orificii positione. Quae omnia si ex actis processus valeam demon- strare, vos certe, sapientissimi iudices, declarare non dubi- tabitis matrimonium coniugum Delarue neque consummatum fuisse, neque revera consummari potuisse.

Haec autem demonstratur^, ut iam dixi, non tamquam advocatus pro cliente, sed tamquam theologus pro veritate, incipiam ab exponenda evidentissima illa contradictione, quae resultat ex coniugum responsionibus circa adimplementum matrimonialium officiorum. Vir enim affirmat in processu, se pluries, et ab ipsa prima nuptiarum nocte, rogasse mu- lierem ut vellet suo muneri satisfacere; sed invitarli semper et reluctantem reperisse. B contra respondet mulier quod certe libenter se facilem praebuisset, si id aliquando a viro expostulatum fuisset. At, si ita est, cur ipsa non petiit? Evidenter, Emi Patres, et vir et mulier petierunt, sed cum effectum inanem vidissent, timuit uterque ne impos dicere- tur. Et mulier quidem seipsam probe noscens, id debuit sta- tim timere; vir autem, bonus et simplex, tantum post pro- latum a muliere suae integritatis testimonium.

Acta, Tom. XXIII. fase. COLXXIII. 34