PARISIEN. 531

initio, et nunc tali argumento demonstrandam assumam, ut coniuges neque vere convenire potuisse evidentissime pateat. Et quidem quod vere et, ad effectum quod attinet, efficaci- ter non convenerint, acta omnia processus conclamant. Ha- bemus enim 1 partium iuramentum, et praesertim iuramen- tum viri, qui cum sit vir probus, et ut talis a testibus re- cognitus, et ab Emo Archiepiscopo commendatus, omnem fidem meretur, imo omnem parit certitudinem: 2 habemus testium depositiones, ex quibus resultat vel mulierem natos habere noluisse, vel ab ipsa prima nuptiarum nocte, viro suo se reluctantem praebuisse, vel ita accedentem virum rece- pisse, ut aut actus perfectionem impediret, aut perfectum actum habere non posset.

Atque hic animadvertatis oro, sapientissimi iudices, quae hic a testibus asserta dicuntur, omnia explicite dicta fuisse ad excludendam consummationem. Sic, ut unum vel alterum proferam testimonium, expressis verbis aiebat Dnus Lafosse: Je dois ajouter sur le point de la non consummationi que madame Delarue de notoriété presque publique ne voulait pas avoir d'enfants. Pariter cum Dnus Roger asseruisset que madame Delarue a pu se prêter en apparence aux désirs de son maxi, id certissime asserebat ad excludendam veri nominis consummationem, utpote qui audiverat a perito medico Dno Hurpuy Susannae genitalia non esse ut in ce- teris mulieribus disposita, idque vere et proprie sub respectu potentiae. Certum est igitur ex actis processus quod Aloisii et Susannae matrimonium revera consummatum non fuit, etsi coniuges saltem apparenter convenerint.

Fateor equidem, Emi Patres, haec omnia, etsi gravia, ad effectum tamen sufficientia non videri. At quid si pro- bem, Aloisium et Susannam simul vere convenire non po- tuisse? Et tamen ex processu id certum, exploratumque est. Breviter dicam quae longius audire taederet. Ibi impossibilis evadit verus maritalis congressus , ubi coniugum genitalia contraria et opposita proportione donantur. Atqui ita accidit in casu nostro : ergo Aloisii et Susannae matrimonium vere