534 PARISIEN.

tenebat quod, ex medicorum sententia, potest etiam per lon- gum tempus et bona fide supponi. Postea vero dixit se num- quam convenisse, quia reapse numquam efficaciter. Mulier e contra affirmabat se natos habere noluisse, quia seipsam probe noscens, timebat ne ut impos t induceretur. Hodie vero re- cusat ulteriorem sui corporis inspectionem, quia se prodere non vult. Quid plura? Video graviorem etiam afferri posse difficultatem; sed pariter facilioris esse solutionis contendo.. Esto quod corporalis mulieris inspectio locum habuerit iam tribus abhinc annis : esto quod iuridice non constet coniuges, post illam inspectionem, non amplius simul cohabitasse: esto quod mulier deneget hodie seipsam inspiciendam praebere. Ast quid ex hoc? quae consequentia? quae conclusio? Pro- bant tabulae, publicae esse notorietatis, quod mulier amplius suum virum non viderit. Et dato etiam quod simul cohabi- taverint; imo dato pariter quod simul convenerint, et qui- dem sponte, maritali affectu, reciproco conatu; dicemusne ipsos obtinuisse quod ex naturali permanente defectu num- quam obtinere potuerunt? Et id utique darem, si maritalis congressus impossibilitas repetenda esset ex quadam frigidi- tate, ex aversione animi, ex nervorum debilitate. At cum repetenda sit ex ipsa organorum conformatione, ex notabili quadam genitalium partium in contrario sensu asymetria, qua, quaeso, ratione fieri potest ut haec omnia evanuerint et in viro et in muliere? Quo igitur se vertat acutissimus vinculi defensor, id unum fateatur necesse est, scilicet ma- trimonium Aloisii cum Susanna, nonnisi per miraculum con- summari potuisse.

Nil igitur remanet, Emi Patres, nisi ut, actoris preci- bus, benigne receptis, rogetur SSmus pro dispensatione a matrimonio rato et non consummato. Et quidem causae ad dispensandum validissimae afferuntur. Et 1 probatum in iure; est validissimam ad dispensandum esse causam illam, quae si iuridice probata esset sufficeret ad nullitatem declarandum. Atqui habemus in themate probabilem mulieris impotentiam; probabilem quidem, non quia ipse veram non putem, sed quia