PARISIEN. 535

in tabulis, explicitis verbis non asseritur : nil igitur impedit quominus saltem pro dispensatione obtinenda assumatur. 2 Ha- bemus iam prolatam civilis divortii sententiam; et Vos non latet, Emi Patres, quae inde mala possent provenire in ani- marum detrimentum, denegata dispensatione. 3 Denique stat in facto pertinax animorum aversio, quae praesertim ex parte mulieris nulla ratione vinci posse videtur, ut ipsa declaravit mulier, et testes deposuerunt.

VOTUM CANONISTAE. Tria, ait iste, in casu praesenti sunt consideranda, nempe processus, non-consummatio praetensa, et gravitas causarum ob quas solutio vinculi petitur. Sub triplici hoc capite igitur ea proferam quae mihi occurrunt iudicio E E . P P . submittenda.

DE PROCESSU. - Nemo est qui non videt processum mul- tiplici et gravi vitio maculari, non quidem quod tribunal non fuerit rite constitutum, quoad hoc enim praescripta fue- runt adamussim impleta; sed defectus revera substantiales ex parte utriusque coniugis vim probativam actorum nota- biliter minuunt si non penitus destruant. Etenim citata Su- sanna comparuit quidem coram iudicibus ecclesiasticis, et sub iuramento affirmavit, matrimonium suum nunquam fuisse con- summatum, quod marito in culpam tribuendum asserit: sed omnino recusat inspectionem obstetricum, et quamvis peti- tioni viri pro solutione vinculi minime adversetur, noluit instigationi concurrere, testes pro sua parte producendo. Te- stimonium igitur « septimae manus » ut aiunt, pro parte mulieris omnino deest, dum ex parte viri valde sit incom- pletum. Praeter medicum Hurpy tres tantum testes a viro producuntur, nempe DD. Lafosse, Roger et frater actoris. Aliorum trium afferuntur testimonia in causa coram tribunali civili iurata, quorum duo mortui sunt ante inceptum proces- sum ecclesiasticum, et tertia D. Gavet gravi morbo detenta, omnino nequiverat coram iudice se sistere et testimonium proferre. Inter acta processus inveniuntur attestationes au- thenticatae tum mortis, tum gravis aegritudinis; verum quor- sum valeant haec, iudicent E E . P P . - Non satis videtur cur alii