538 PARISIEN.

aliqualiter confirmant ea quae sunt a muliere allegata, circa causas dispensationum.

Ut petitionem viri destrueret et divortium obtineret ex capite impotentiae, Susanna peritiam duorum medicorum pro- tulit, qui testantur ipsam virginem adhuc esse et matrimo- nium inconsummatum. Nihilominus in favorem viri sententia prolata est a duobus tribunalibus « primae instantiae » sci- licet et « appellationis ». Circa hoc iudicium notandum quod tribunal civile abstineat ab omni sententia, tum quoad im- potentiam praetensam, tum quoad non-consummationem, et solutionem decrevit ob derelictam a Susanna habitationem coniugalem. Postea autem Aloysius, cum id utile sibi vide- retur, non-consummationem obtendit ipse in sua ad S. Se- dem petitione pro dispensatione.

Nunc videamus quid dicendum de non consummatione, certa ab incertis secernendo. - Constat 1 coniuges simul ha- bitasse per sex annos, nisi excipias paucas hebdomadas a Susanna transactas apud suos vel in alio loco de consensu mariti - toto hoc tempore solitos fuisse coniuges in eodem lecto discumbere. - 2 Esse ambos iuvenes, tempore matrimo- nii contrahendi: vir 25 annos habuit, mulier 19, nulla in- firmitate affectos, et praeterea Aloysius vehementi amore captus Susannam uxorem duxerat; dum ipsa pro parte sua contentissimam se exhibuerat. - 3 Suspicio impotentiae im- pellitur a viro et excludi videtur peritia medici Hurpy, et nihil ex testimonio aliorum medicorum erui potest contra habilitatem Susannae ad congressum coniugalem - Iam vero haec omnia praesumptionem constituunt consummationis ma- ximam, quam destruere non valent nisi argumenta certa et peremptoria in contrarium. - At ubi quaeso sunt haec argu- menta?

Adducitur testimonium duorum medicorum Tarnier et Brouardel de « non-defioratione » Susannae, quod post in- spectionem vulvae eius - de corpore « non loquuntur - edi- derant. Iam vero conditio partium genitalium feminae est indicium si velis, et quidem potissimum physicae virginità-