PARISIEN. 547

sed e contra prostant urgentissima consummati matrimonii indicia.

Et quod attinet ad pri x um, expendite paulisper, Patres Amplissimi, monumenta, quibus Aloisius Susannae virgini- tatem atque inconsummationem matrimonii probare conten- dit. Ea porro sunt - primo - testimonium subscriptum a me- dicis Brouardel et Tarnier - secundo - specimen in corpore viri a perito Hurpy peractum - tertio - altera attestatio sub- signata a praefatis Brouardel et Tarnier; - quarto - epistola in qua medicus Tarnier ratas habet memoratas testationes ab ip?o in antecessum editas; - quinto - literae in quibus idipsum praestat peritus Brouardel; en omnia.

Iam vero nihil excogitari potest istiusmodi monumentis fragilius. Etenim tria prima, quae aliorum basis et funda- mentum sunt, continent explorationem in viri, sive mulieris corporibus expletam, ad interesse habentium petitionem, nullo intercedente iudicis mandato, nulla servata iuris solemnitate, nullis adhibitis cautelis ad fraudes praecavendas omnino ne- cessariis.

Neque obiicias mihi praefata illa tria testimonia, iudi- cialia evasisse per duo posteriora. Nam quadrat illud: quod ab initio vitiosum est non potest, ullo tractu temporis, con- valescere. Re sane vera, in memoratis corporum lustratio- nibus omissae sunt cautelae, iure praescriptae: periti Brouar- del, Tarnier et Hurpy, cum non a iudice, sed ab interesse habentibus electi sint, immunes a studio partium haud cen- sentur. Ecquommodo vitia ista, quae ipsam actus naturam inficiunt, ex postfacto corrigi possunt?

Si in primis testationibus periti leviter se gesserunt, si partibus potius, quam veritati studuerunt, in novis attesta- tionibus potius peierare parati erunt quam seipsos mendacii redarguere. Ceterum nec novae testationes iudiciales sunt. Non enim ad iudicem medici Brouardel et Tarnier accesserunt, non examen coram iudice subierunt, sed contenti fuerunt ad iudicem dare literas. Iamvero D. Gadrianus Rufino proconsuli Macedoniae rescripsit, testibus se, non testimoniis crediturum.