SAL AM ANTIN A 555

finita est, praecipue in una Ilerdensi a Romana Curia pro- lata anno 1739.

» Gratuita est assertio de cohibitione libertatis eligen- tium, ut patefieri potest ex .instrumentis capitularibus; imo si aliquis vim inferre voluit, fuerunt quidem patrocinatores actoris qui nullum non moverunt lapidem ut opinionem in- docti vulgus prae venirent et conflarent tum ante, tum post exercitia litteraria. Praeterea quamquam facta quae in li- bello referuntur admitterentur, nihil deduci posset adversus libertatem omnimodam eligentium. Unde miror quidem ar- gumentum effingi de praesentia custodum ordinis publici, qui ad hoc tantum missi sunt, ut invigilarent ne ordo pertur- baretur in claustris ecclesiae ubi discurrebat expectantium turba, nam adeo longissime abest quod metum eligentibus iniicerent, ut ipsis capitularibus ignota fuerit haec circum- stantia. Ridiculus timor!

» Quod additur de virorum doctorum sententia, refellitur ex dictis. Nonnulli sapientiam actoris extollere conati sunt, quatenus eum intelligebant futurum esse adversarium Epi- scopi, et facili negotio turbulentae catervae animos excita- runt. Haec fuit illustrata opinio, quam actor sibi faventem vendidat.

» Haec omnia perpendentes octo ex quindecim capitula- ribus qui saniorem partem constituunt, vix dum citatio facta est, supplicem libellum subscripserunt efflagitantes ab Epi- scopo, ut nullo pacto pateretur, curiam episcopalem, cogno- scere de hac causa, siquidem tum actor tum eius patrocina- tores maximopere quaererent scandalum fidelium in depres- sione dignitatis Episcopi ; sed ad S. Vestram recurreret so- lutionem casu de plano expostulans.

» Itaque, re adhuc integra, nondum enim lis est conte- stata, a Sanctitate Vestra, vehementer exoro ut hanc caus- sam ad Sedem Apostolicam avocare et eam per S. C. vel Concilii vel Episcoporum et Regularium absolvere dignetur, nisi magis placuerit, summariis receptis informationibus, si- lentium imponere actori. »