5o6 SALAMANTINA

Relatis his litteris ad S. C C . ex audientia SSmi diei 7 Iunii 1889 decretum latum est, ponatur in folio, et mu- nitae sunt de more partes : nunc vero causa agitur sub dubii formula in calce exscripta.

Disceptatio Synoptica.

DEFENSIO SAC. TUÑON. Qui partes agit sacerdotis Tunòn, praemissa Tridentina lege cap. 8 sess. 24, qua iubetur eligi poenitentiarium « qui magister sit et annorum 40, seu alius qui aptior pro loci qualitate reperiatur » et insuper mentione facta const. Suprema Gregorii XV quae explicat et confirmat pro Hispania cit. cap. Tridentini dispositionem, totus in eo est, ut ostendat clientem suum digniorem aptio- remque inter omnes concurrentes fuisse, et idcirco ceteris praeferendum. Quod in primis dérivât ex attestatione secre- tarii capituli, qui affirmat Sac. T uñón, facto periculo et om- nibus expletis, quae in litteris edictalibus statuta fuerant, unanimi Capituli suffragio electum fuisse.

Ex quibus verbis patronus putat insuper constare, et ni- titur sustinere, in primo scrutinio clientem suum electum valide fuisse. Atqui « secundae electioni non est locus stante priore electione valida » iuxta Rotam dec. 691 n. 13 cor. Malinos cum communi. Ergo quaestio extemplo finita vide- retur.

At insuper patronus conqueritur, Episcopum litteris, iti- neribus, mediisque personis conatum esse canonicorum ani- mum a Tunòn avertere, ceu sacerdotes Garcia, Prida ac pro- fessor Crespo uno veluti ore affirmant.

At quamvis studiose simul et iniuste, frustra tamen id tentatum est ; nam, iuxta eumdem patronum, maior capituli pars semper in favorem sac. Tunòn stetit. Sane, ait, idem Tunòn : « Capitulum constanter recognovit ius quod ad prae- bendam habebat Prosperus Gonzalez Tunòn de la Escosura. Ante electionem patet ita sensisse capitulum ex ipsamet op- positione et inqualificabili agendi ratione Episcopi, ut illud ab eligendo impediret : in secunda votatione octo capitulares