S A L A M A N T I G A 5 6 1

utrum elegibiles sint an non, attentis meritis extraordinariis, ii concurrentes, qui aetatem 40 annorum nondum comple- vissent.

VII. In casu electio Sac. Vicente confirmata fuisse vide- tur, quia retentum fuit ipsum eruditionis et doctrinae alio- rumque meritorum praestantia ceteros omnes concurrentes longe superasse.

S. FIDEI DE BOGOTA

COMPOSITIONIS, CONDONATIONIS ET ALIENATIONIS.

Die 6 Septembris 1890. Per summaria precum

COMPENDIUM FACTI. Episcopus S. Fidei de Bogota has litteras Ssmo direxit:

« Cum saepe in his locis occurrat, ut fideles cupiant sa- tisfacere debitis provenientibus ex bonis ecclesiasticis mobi- libus, sive immobilibus, aut etiam ex censibus, reditibus ce- terisque huiusmodi piis legatis, nec ipsi possint restituere, eo quod vel e statu ceciderint, vel nihil aliud, unde vivant, praeter dicta bona, habeant: ideo Sanctitatem Vestram sup- pliciter deprecor, ut, si id in Domino opportunum iudicave- rit, dignetur mihi concedere facultatem faciendi cum ipsis debitoribus compositiones, aut etiam eis in integrum condo- nationes, pro adiunctis. »

« Item, cum satis frequenter necesse sit vendere bona aliqua immobilia, uti sunt agri, parvae domus urbanae sive rusticae, quae parum aut nihil utilitatis afferunt, novisque usurpationibus obnoxia sunt, pretium autem eorum utilius reparationi templorum, ruralium praesertim parochiarum, aut sacris suppellectilibus ipsis necessariis impendere expediret : Sanctitatem Vestram suppliciter exoro, ut, si id opportunum in Domino iudicaverit, dignetur mihi concedere facultatem disponendi de huiusmodi bonis, prout adiuncta ferant, eorum- que pretium in praedictos usus invertendi. »

Acta, Tom. XXIII. fase. C C LX XIII. 36