600 VIÏERBIEN.

summarent, nisi post completum actum civilem. Hoc, iura- mento, fassa est mulier, hoc, iuramento, confirmavit eius mater. Imo idipsum testati Maria Monti, Annae amita; pa- riter Vincentius Ciampicaci gli, Annae avunculus, qui fuit matrimonii testis, quique aperte fassus est se intentionem non cohabitandi et non consummandi ante actum civilem resci visse.

Idipsum confirmatur ex facto quod Ernesti et Annae ma- trimonium mansit omnino occultum, ita ut nemo illud agno- sceret, exceptis tribus quibus patefactum fuerat magno cum secreto. At, quaeso, ad quid haec matrimonii occultatio, et quidem ex parte mulieris, si matrimonium ab ipsa iam con- summatum fuisset ? Nonne periculo se exponebat mulier, ut matrem proderet forsan iam conceptus infantulus, frustra ipsa occultare adnitente ? Est ne supponendum infamiam quaesivisse mulierem, dum facillime poterat suae aestimationi consulere ?

Cum igitur iuridice constet, matrimonium, ut in the- mate, ea conditione contractum fuisse, ut sponsi neque co- habitarent, neque consummarent, nisi post completum actum civilem ; cumque mulier, matrimonio contracto, ita se ges- serit, ut adiectam conditionem evidentissime comprobaret ; sponte sua sequitur, factum non secutae consummationis esse in suo legitimo possessu, ita ut denegari non possit, nisi contrarium positive et iuridice probetur.

Atqui tantum abest quod in casu, factum consummatio- nis positive valeat demonstrari, ut potius iuridice constet, post celebratum matrimonium, sponsos, neque per unum quadrantem, simul et solos commorasse. Et sane quod sta- tim post celebratum matrimonium, mulier parentum domum petierit, et vir militarem stationem, una cum muliere, te- stes fere omnes asserere non dubitarunt. Hinc interrogata mulier, an sola cum solo remansisset respondit : numquam permansisse, eo quod etiam defuit tempus ad id faciendum. Huic consonant verba genitricis et amitae sponsae. Idipsum testatus est Vincentius, Annae avunculus, dum consumma-