602 VITERBIEN.

ria Monti actricis amita, 4. Vincentius Ciampicatigli, 5. de- mum Aloisia Ribeca, quae aperte fassa est Ernestum post celebratum matrimonium numquam amplius sponsae domum petiisse.

Quid igitur amplius quaerendum, quando uno ore testes, omni exceptione maiores, de facto testificantur, quod vel ipsi viderunt, vel narratum audierunt, tempore non suspe- cto ? Tenuis ne dicetur probatio, quae talibus testimoniis fulcitur ? quaeque consonat adamussim cum omnibus illis circumstantiis et adiunctis, quae matrimonium praecessere, vel sunt comitata ?

Et siquidem haec satis non fuerint, praesto erunt et aliae probationes, quae licet iustis de causis, ad tramitem iuris redactae non fuerint ; moralem tamen certitudinem vel evi- dentissimam pariunt, scilicet factum certum et inconcussum corporalis mulieris integritatis.

Scio equidem, Emi Patres, cum agitur de puella, fieri posse ut signa violatae virginitatis, longum post tempus, evanescant, ita ut haberi possit tamquam virgo, quae reapse fuerit corrupta. Ast animadvertam statim Annam inspectam fuisse paucis tantum a matrimonii celebratione transactis diebus : ex quo fit ut claustri violatio nulla potuerit arte occultari. Et pariter animadvertam inspectionem peractam fuisse, ad effectum acquirendi certitudinem de supposito non commisso crimine. Ernestus enim, ut Annae parentum op- positionem vinceret, mendacio asseruit se puellam violasse; unde matrimonium statim celebratum fuit non solum secre- to, sed etiam, ob temporis angustiam, dispensatis publica- tionibus. Cum autem post celebratum matrimonium mulier veritatem aperuisset, voluit mater certum habere argumen- tum, adhibita corporali inspectione. Hinc, vocata obstetrice, et aliis peractis inquisitionibus, de filiae suae integritate certitudinem mater assecuta est.

Hinc praeter iuramentum mulieris de constanter servata corporali integritate, praeter acceptatam conditionem su- beundi, si opus esset, corporalem et iuridicam inspectionem,