606 VITERBIEN.

saria sunt, cum iudice conspirarent. Neque magni facio ar- gumentum, ut aiunt, coarctatae, ex adverso conflatum.

Enimvero, Aloisia Ribeca refert: probe memini quod circa mediam horam noctis, eiusdem diei, initi matrimonii, Metallus tabernam meam ingressus est, ut me salutaret. Aloi- siae Ribeca concinit eius filia. Age modo : si angustia tem- poris haud prohibuit quominus Ernestus Aloisiam Ribeca viseret, non facile fidem testibus adiiciam, qui affirmant Er- nesto copiam temporis cum Anna sero illius diei conveniendi defuisse.

Nec obiicias mihi, Ernestum ad Aloisiam Ribecam per- rexisse eomet actu quo una cum Vincentii Ciampicacigli a domo uxoris praesentibus arbitris ad arcem profectus est. Aloisia enim Ribeca prosequitur : menimi quoque quod ipse Ernestus habebat comitem fratrem sponsae, minime vero Vincentium Ciampicacigli.

Praeterea perspicuum est Ernestum, si postridie eius diei Viterbio discessit, eo discessisse quia stipendia facere desierat. Existimandum itaque est postremis illis horis, eum tam arcte custoditum minime fuisse ut e castro egredi ac ad multam noctem cum uxore convenire nequiverit.

Postremo actio adversa tota in eo est, ut suadeat dis- cessum veredarii, qui Ernestum insequenti die advexisse di- citur, eo fere momento contigisse quo milites e lecto surge- bant. Miror quod nec actorum moderator, nec matrimonii assertor certiorari studuerit de huiusmodi circumstantiis scitu facillimis ; quia notoria profecto erat tum hora qua vereda- rios, la diligenza, proficiscebatur, tum hora qua surgebant milites. At inter unum et alterum sat temporis intercessisse in aprico est, quia parochus ss. Faustini et Iovitae testa- t u r : scivi, Ernestum ante suum discessum pulsasse ad por- tam domus sponsae ; nescio vero an ipsam viderit, vel cum ea loquutus sit.

Imo Ernestus sine ambagibus fatetur se antequam disce- deret non solum collocutum cum uxore fuisse, sed ne po- stridie quidem celebrationis matrimonii Viterbio profectum :