FABRIANEN. 617

tia, et assistentia chori, II reductionem missarum ex 59 ad 24 ; quae applicari valeant etiam in Cathedrali , haud assignatis diebus.

Capitulum super his precibus interrogatum, in votum sub- scripsit sui Prioris, qui censuit absentiam postulantis ad septennium detrimentum haud parvum afferre chori servitio ob beneficiatorum penuriam ; votum autem emisit ut missae quae ex reductione supersunt, utentur apud altare assigna- tum in anni solemnitatibus.

Episcopus accedit voto Capituli quoad servitium chori; sed, ait, inficiari nequit maxime prodesse clerico Bargagnati per- manere in possessione capellaniae, quae loco sacri patrimonii esse deberet, iuxta fundatoris voluntatem.

Disceptatio Synoptica

GRATIA CONCEDENDA VIDETUR. In cap. 4 Relatum De cler. non resia, traditur beneficiatus ad personalem residentiam teneri « nisi forte de licentia suorum praelatorum, vel pro studio litterarum, vel pro aliis honestis causis contigerit eos abesse. » Ecclesiae siquidem plurimum interest ad sui regi- men viros habere litteris scientiisque eruditos. Et idcirco cum quatuor causae numerentur in cap. 1 sess. 23 Conc. Trid. ex quibus clericis abesse a residentia licet, nempe christiana charitas, urgens necessitas, debita obedientia, et evidens ec- clesiae vel reipublicae utilitas ; DD. communiter tradunt, huic ultimae causae accenseri quoque debere, quasi speciem maioris generis, rationem studiorum. Reiffenstuel lib. 5 tit. 4 n. 104* Ferraris v. Canonici art. 5 n. 37.

Exinde originem duxerunt indulta ratione studiorum. Nam licet ex adductis modo rationibus clericus studiis occu- patus iustam et canonizatam absentiae causam habeat, tamen ex doctrina C. Petra ad const. X Bonifacii VIII n. 7 abesse legitime non potest nisi petita et obtenta a suo prae- lato licentia. Praxis imo inolevit, ut huiusmodi licentia seu indultum nonnisi a S. C. C. concedatur, neque aliter suf- fragetur indultariis, nisi obtento executoriali Ordinarii de-