'620 WRATISLAVIEN.

regularis evasisse videtur. « Credentes enim receptatores, defensores et fautores haereticorum fiunt ipso iure infames, atque ideo irregulares, si satisfacere contempserunt intra an- num. > Cap. 13 % 5 De haeret.

At vero haec minime obstant, quominus suprema Eccle- siae potestas a rigore legis dispenset, et quem iura, sive ex crimine sive ex infamia, irregulärem faciunt et ab officiis et beneficiis ecclesiasticis repellunt, cap. 2 et 15 De haeret, in VI, benigne nihilominus absolvat. Conversio enim ora- toris eiusque educatio in Seminario ac commendatio Epi- scopi, tituli ad gratiae concessionem esse legitime possunt.

Quibus praeiactis, quaesitum fuit quid precibus esset re- spondendum.

RESOLUTIO Sacra C. Congr. re visa sub die 28 Februarii 1891, censuit respondere : Pro nunc non expedire; et in- terim det ulteriora perseverantiae signa.

EX S. CONGR. EPISC. ET REGULARIUM

LAURETANA ET RECINETEN.

DISTRIBUTIONUM

Die 27 Februarii 1891.

COMPENDIUM FACTI. Vertente anno 1883 Capitulum pe- rinsignis Basilicae Lauretanae in iudicium arripuit regium fiscum vulgo Fondo per il Culto pro rivendicandis favore dignitatum et canonicorum, qui suppressionis legi obnoxii haud fuerunt, distributionibus, praebendis suppressis respon- dentibus, quas il Fondo per il Culto una cum earumdem praebendarum dote suas fecit. Lis quae diu anceps haesit, tandem favore Capituli dirempta fuit, cui propterea ingens pecuniae vis obvenit, quae inter dignitates et canonicos di- stributa fuit.