624 LAURETANA ET RECINETEN.

coadiutores quotas fallentiarum, quas persolvebant Canonici choro non interessentes, perciperent. Huiusmodi consuetudi- nem ex declaratione comprobari a Canonicis emissa in coetu capitulari die 3 iulii 1889 habito, et confirmari ex dicta- rum fallentiarum distributione ab authenticis libris desumpta. Et quantumvis ex ipsis libris eruatur, huiusce consuetudinis existentiam ab anno 1834 ortum habuisse ; nihilominus praesumi posse autumant ipsam ab antiquioribus temporibus locum obtinuisse. Quod si huiusce rei probationes certae af- ferri nequeunt, id ex eo contingit, quia libri qui in archivio capitulari asservantur, annum 1834 haud excedunt.

Verum hisce praetermissis, in facto esse asserunt con- suetudinem assignandi coadiutoribus fallentias, vertente anno 1879 in honore fuisse, et Archidiaconum Giachini huiusmodi consuetudini adhaesisse ex eo argui contendunt, quod coa- diutor Ripamonti fallentias iugiter perceperit, quin coadiu- tus vel aliquid contra obmussitaverit, vel eas sibi arrogare per tentaverit.

Ex hoc deduci posse sustinent, summas inposterum a Gubernio persolutas titulo fallentiarum canonicatibus suppressis spectantium, vel ipsi coadiutori, si adhuc in vivis esset, vel suis haeredibus, ceu in praesenti casu, tribui debere. Idque permagnam vim acquirere ex facto, quod, lite contra guber- nium a Capitulo inchoata, coadiutores neque labori, neque sumptibus pepercerunt. Vicissim tres coadiuti, inter quos archidiaconus Giachini, neque operam praestare nec sumptuum participes esse voluerunt, ceu una cum sacerdote Magnalbò tunc temporis canonici Acquacotta coadiutore, ipsum Capi- tulum fidem facit.

Post haec ad sententiam iudicis delegati confutandam gradum faciunt, qua statutum fuit, ut coadiutor ex fructi- bus archidiaconatus nihil aliud, nisi annuas libellas 600 prae- tendere valeat. Ac praeprimis observant iudicis assertum va- lere, cum vel de canonicatus fructibus vel de aliis incertis sermo sit, non vero cum agatur de fallentiis choralibus, quae in vim consuetudinis coadiutoribus devolvuntur. Si enim aliter