LAURETANA ET RECINETEN. 625

Acta, Tom. XXIII. fase. CCLXXIV. 40

res esset, sequeretur quod nullus coadiutor sive in Capitulo Lauretano, sive in aliis omnibus Capitulis, dictas fallentias percipere valeret ; idque locum haberet non obstante con- traria consuetudine inducta. Si quidem in omnibus coadiu- toriae Bullis, et nominatim in Bullis Canonicorum coadiu- torum Andrenelli et Magnalbò legitur, quod omnes et sin- guli fructus, redditus et proventus certi et incerti ac etiam distributiones quotidianas cuiuscumque generis existant et reliqua omnia emolumenta ad Canonicum coadiutum perti- nent. Verum hisce non obstantibus in facto esse affirmant, quod tam Andrenelli, quam Magnalbò fallentiarum quotas a gubernio Capitulo persolutas perceperunt.

Ex quo deducunt per verba distributiones quotidianam in Bullis expressa vel intelligendas esse distributiones quoti- dianas, quas Canonici ob suam praesentiam in choro lucran- tur, et has coadiutis deberi, ceu de facto ab ipsis iugiter perceptae fuerunt : vel intelligi debere ipsarum incremen- tum ex aliorum Canonicorum negligentia derivatum et has coadiutoribus ex iure consuetudinario competere. Observan- tiae enim tantam vim inesse aiunt, ut ipsi standum sit, li- cet dispositionum verba improprianda essent, et quamvis in- tellectus ab ea datus esset malus et de iure non tenendus. S. Rota decis. 85 nec non decis. 256 et decis. 608 coram Buratto. Cum igitur circa fallentiarum choralium distribu- tionem huiusmodi sit observantia in Capitulo Lauretano exi- stens ; sponte sua fluit ipsi omnino standum esse, etiamsi Bulla, qua sacerdos Ripamonti coadiutor archidiaconi Gia- chini nominatus fuit, contrarium statuisse videatur.

Huiusmodi consuetudine in vado posita, haeredes Ripa- monti animadvertunt quod si archidiaconus Giachini fallen- tias quoque sibi servare voluisset, hoc in conventione cum coadiutore inita expressis verbis cavere debuisset. Cum igi- tur de ipsis nullam mentionem fecerit, imo cum permiserit, ut fallentiae coadiutori iugiter tribuerentur, illud facto suo admisit, quod tradit Barbosa. Axiornat. lib. 13* c. 10* ex. 1*