RHEDONEN. 633

Hisce praenotatis, sapientissimo Emorum Patrum iudicio dirimendum propositum fuit sequens

Dubium

An et quomodo Sacerdos Qarnier Archiepiscopi Rhedo- nen. iurisdictioni subiiciatur?

RESOLUTIO. S. Congregatio Episcoporum et Regularium, re mature perpensa, die 27 Februarii 1891 proposito dubio respondere censuit : Affirmative, uti Ordinario originis.

Ex QUIBUS COLLIGES. I. Ex Conc. Trid. Cap. 10, sess. 23 de Reform. Superioribus Ordinum Religiosorum, in quibus vota solemnia emittuntur, facultatem competere tradendi lit- teras dimissoriales propriis subditis regularibus, ut ad omnes sacros Ordines promoveantur.

II. Cum hac tamen limitatione, ut scilicet dispositiones decreti Clementis VIII anni 1596 et constitutionis Benedi- cti XIV Impositis nobis diei 27 Februarii 1747 observentur, ubi praescribitur, ut litterae dimissoriales Episcopo loci ex- hibeantur, in quo domus religiosa existit.

III. Absente vero loci Episcopo, vel casu quo sacra or- dinatio non habeatur, litteras dimissoriales cuilibet Episcopo catholico exhiberi posse, dummodo in huiusmodi litteris de allatis causis mentio fìat , et attestatione praeditae sint , sive Vicarii vel Cancellarii, sive Secretarii Episcopi loci, in quo domus religiosa existit.

IV. Huiusmodi privilegio praeter Ordines religiosos vo- torum solemnium, gaudere quoque nonnulla Instituta, in qui- bus vota simplicia sed perpetua emittuntur.

V. Cetera vero Instituta sub dispositionibus iuris com- munis cadere, seu teneri ad ea quae in sua Constitutione Speculatores Innocentius XII praescribit.

VI. Iuri conformem haud esse illorum Antistitum agendi rationem, qui renuunt recipere in suas Dioeceses alumnos alicuius Instituti votorum simplicium, qui ad easdem Dioe- ceses ante professionem pertinebant, quique deinde ab Insti-