671

B O I A N E N .

PROVISIONIS PAROECIAE.

Die 31 Ianuarii 1891. Sess. 24 cap. 18 De re format .

COMPENDIUM FACTI. E X morte sacerdotis David de Sisto die 10 Septembris 1 8 8 6 vacante paroecia loci Sassinoro Dioe- cesis boianensis, Episcopus concursum indixit. Duo, scilicet Ioannes Mastracchio et Ermenegildus Palma, se inscripse- runt ; at die 23 Maii 1 8 8 7 facto periculo uterque reproba- tus fuit. Die 12 Octobris Episcopus novum indixit concur- sum, die 25 eiusdem mensis habendum, et duo etiam hac vice comparuerunt, nempe Ioannes Mastracchio, idem qui in primo examine fuerat reiectus, et Iosue di Mella. Sed hac vice uterque approbatus est, attamen Iosue de Mella « cum maxima laude » et primo loco, alter vero secundo.

Statim ac examinatorum votum evulgatum est, Mastrac- chio per manus laici apparitoris libellum Episcopo misit re- feftum, ait Episcopus, conviens adversus meam personam et examinatores synodales. Simulque appellationem coram metropolitana Curia beneventana, intra utile tempus, inter- posuit, hanc potissimum allegans causam, nempe Iosue di Mella regularem esse ex ordine Minorum s. Francisci, eum- que saecularizationis rescripto destitutum, solummodo ex tollerantia suorum superiorum extra religionem vivere et in dioecesano boianensi Seminario, ubi magistrum agit, degere; et idcirco non posse approbari, et eo minus institui.

Hoc tamen non obstante, Episcopus boianensis litteras collationis detulit sacerdoti di Mella, eumque paucos post dies in possessionem paroeciae immisit, regio placito mox accedente. Verumtamen, quod quidem praestat usque ab ini- tio recolere, P. di Mella, forte ob pendens penes metropoli-

EX S. CONGREGATIONE CONCILII