672 BOIANEN.

tanam curiam iudicium, videtur a residentia prudenter ab- stinuisse : vicissim boianensis Episcopus, qui vacantis paroe- ciae regimen ab initio detulerat sacerdoti Mastracchio, ex- inde eiusdem curam demandavit alii sacerdoti; sed ad hoc munus non alium eligendum censuit, quam fratrem patrue- lem eiusdem P. di Mella, Silvestrum di Mella.

Interim archiepiscopalis curia, concursus actibus aliisque ad rem facientibus perpensis, sententiam tulit actori omnino favorabilem. Cedo verba:

« Considerato quod iniustus beneficii detentor per senten- tiam Iudicis expoliandus sit, et poenis canonicis coarctandus, si beneficium non dimittat. »

« Considerato demum in facto et constito quod Pater Iosue Mella a Saxinoro est et sit adhuc vere et proprie re- gularis, cum rescriptum ab eo impetratum nullum sit ex defectu debitae exequutionis in tempore opportuno facien- dae: »

« Constito quo nulla fuit venia apostolica pro admissione ipsius Patris Mella ad concursum pro vacante ecclesia ar- chipresbyterali oppidi Saxinorii, quae est onnimode benefi- cium saeculare curatum. »

« Constito quod beneficium curatum Saxinorii Patri Io- sue Mella in titulum, et in perpetuum concessum fuit, non in administrationem et ad nutum Episcopi et respectivi su- perioris regularis. Nam etsi bullae collationis exhibitae non fuerunt ad eorumdem tenorem dignoscendum, quod ex culpa interesse habentium factum est, tamen ex facto ipso digno- scitur, in exhibitione rescripti apostolici pro saecularizatione Patris Mella ab Ordinario boianensi huic curiae facta decla- ratum fuit, quod in admissione ad concursum rescriptum debitae exequutioni demandatum retentum fuit, ideo Rev. Pa- trem Mella uti sacerdotem saecularem Episcopus admisit ad concursum, illique in titulum parochiam contulit : »

« Constito etiam, quod etsi P. Mella in supplicatione pro admissione ad concursum afferat se habere permissionem et consensum proprii superioris, tamen ex testimonio Vicarii