VENTIMILIEN. 685

actualem curam animarum haec praescripta reperiuntur: « quarum animarum procuratio praeposito illius Collegiatae ecclesiae et duobus presbyteris vice-parochis nuncupatis con- credita est. »

Hoc ipsum colligi subdit, ex quodam statuto vulgo rego- lamento a Capitulo anno 1881 edito et ab alio antiquiori desumpto, in quo dissertis verbis scriptum legitur, Canonicos cura animarum destitutus esse eamque penes Praepositum residere, qui potestatem habet huiusmodi curam cuilibet sa- cerdoti sibi beneviso et Capitulo etiam extraneo committendi et eligendi.

Hisce accedere inquit confessionem ipsius partis adversae patroni, qui postquam retulerit ab anno 1803 curam anima- rum Canonicis decimalibus spectare, quoad ceteros Canonicos asserit nihil aliud ipsis competere, nisi ius coetibus capitu- laribus interveniendi ac deliberativum votum emittendi : « Ex hoc autem tempore, ab anno 1803, isthaec etiam invaluit in Collegiatae Capitulo immutatio. Firmis scilicet atque in- tegris manentibus iuribus exclusive pertinentibus Canonicis decimalibus, antiquum atque originarium Capitulum reprae- sentantibus, canonicis universis, qui praeter eos ad numerum decimum octavum conscendebant, facultas concessa fuit coe- tibus capitularibus interveniendi ac deliberativum inibi vo- tum edendi. »

Tandem hoc ipsum confirmari urget ex quodam recursu, quem praeses Fabricae Matricis, qui. Capituli Praepositus est, Episcopo porrexit, in quo haec notatu digna ad rem le- guntur : « Excellentiam Vestram haud latet, eos, qui paro- chum coadiuvare ac supplere tenentur, quoties ipse legitimo impedimento detentus est, duos tantum Canonicos decimales esse ; ceteros vero Canonicos ob solum zelum gloriae Dei et caritatem erga patriam operam suam praestare. »

Cum igitur ex allatis documentis et ex ipsa adversario- rum confessione manifestum appareat, actualem animarum curam non Canonicis universis competere, sed ipsam Prae- posito et duobus presbyteris vice-parochis seu Canonicis de-