386 VENTIMILIEN.

cimalibus appellatis, spectare, Episcopus concludit non omni- bus Canonicis, sed Praeposito et duobus Canonicis decima- libus ius inesse standi in iudicio et episcopale decretum diei 22 octobris 1888 impugnandi.

Verum, pergit Episcopus, neminem ipsorum in iudicio sistere ac pluries citatum decretum impugnare posse in pro- patulo est. Sane ad Praepositum quod spectat, hoc ipsi haud licere, ex eo deducit quod huiusmodi decreto sponte ac libere consensum praestitit. Idque erui, inquit, ex pluribus epistolis, quas allegat, tum ab ipso Praeposito, tum a Capituli secre- tario scriptis, quibus apertis verbis asseritur decretum, quo erectio in paroeciam ecclesiae S. Stephani recognoscitur, non Praeposito tantum, verum etiam maiori parochianorum parti acceptum esse.

Quod vero hoc ipsum duobus Canonicis decimalibus, qui adhuc supersunt, haud liceat nullatenus dubitari posse conten- dit. Non licere quidem Canonico Saccheri ex eo arguit, quod hic, cum confessionibus excipiendis inhabilis sit, concionibusque habendis haud assuetus, nullo pacto animarum curam exer- cere valet. Non posse vero Canonicum Sghirla ex hoc col- ligit quod, hic cum rectoris munere in ecclesia S. Stephani fungatur, una cum Episcopo in praesenti iudicio contra Ca- pitulum dimicat.

Post haec ad difficultates diluendas gradum faciens, prae- primis animadvertit a veritate alienum esse quod ex adverso obiicitur, Episcopum nempe favore novae paroeciae de in- genti pecuniae summa disposuisse, quam Blancham Sghirla ad causas pias reliquisse gratuito asseritur. Et rei falsita- tem evincit postremas Blanchae tabulas perhibens, ex qui- bus patet, Blancham, ultimo quo decessit elogio, hanc legem dedisse, ut scilicet Canonicus Sghirla consobrinus, illam pe- cuniae summam, quam forte ipsa reliquisset, non ad pias causas sed pro solvendis funeris expensis et in suffragium animae ipsius impendere debuisset.

Veritati quidem haud consonum esse subdit quod ab adver- sariis urgetur, scilicet parochiae erectionem non necessariam,